Qorti
Multa u liċenzja sospiża wara li sewwieq ta’ mutur weġġa’ gravi

Marlon Camilleri ta’ 33 sena kien immultat u kellu l-liċenzja tas-sewqan sospiża wara li nstab ħati li weġġa’ gravi raġel ieħor kawża ta’ sewqan traskurat.

L-inċident seħħ fi Frar 2013 f’Ħaż-Żebbuġ, meta Mario Attard kien qed isuq mutur fi Vjal il-Ħelsien. F’daqqa u l-ħin minn fuq Stop Sign ta’ triq fil-ġenb ħarġet vettura misjuqa minn Camilleri, li Attard spiċċa baqa’ dieħel fiha.

Kawża tal-ħabta Attard sofra ksur fil-kustilji u ħsara f’dahru u f’idejh, u sa xhur wara l-inċident kien għadu jirċievi t-terapija.

Il-Qorti, ippreseduta mill-Maġistrat Donatella Frendo Dimech, m’emmnitx li Camilleri kien ħareġ ftit ‘il barra biss biex jittawwal, għaliex id-daqqa tal-mutur kienet fil-bieba tax-xufier, u mhux fil-mud guard jew fil-bumper.

Il-Qorti qalet li Camilleri ma kienx qiegħed attent biżżejjed, u dan jikkostitwixxi sewqan traskurat. Huwa kien għalhekk ikkundannat multa ta’ €1,000 u kellu l-liċenzja sospiża għal tliet xhur.

Aħbarijiet Oħra
Toroq

L-awtoritajiet komplew jissikkaw fuq irregolaritajiet minn vetturi bi pjanċi ta’ reġistrazzjoni barranin. Fi tliet sigħat u nofs ta’ spezzjonijiet dalgħodu, twaqqfu 30 vettura bi pjanċi barranin. Minnhom, 12 instab li…

Kisbiet

F’jum għeluq il-55 sena tiegħu, il-manager tat-taqsima tal-programmi ta’ TVM Frans Lia beda l-ġurnata billi minflok qala’ rigal, ta wieħed hu. Ftit wara li fetaħ iċ-ċentru għall-għoti tad-demm fit-8am, huwa…

Saħħa

Inawgurat f’Għawdex Ċentru għall-Familji fil-Komunità. Iċ-ċentru li jinsab f’Marsalforn se jservi biex jipprovdi għajnuna u appoġġ lil familji u persuni li jkollhom bżonn għajnuna soċjali. Professjonisti fil-qasam soċjali ser ikunu…

Unjoni Ewropea

B’ mitt impjegat u kulleġġ ta’ 28 awditur, il-Qorti Ewropea tal-Awdituri tħares il-finanzi tal-Unjoni Ewropea. Il-ħidma ta’ din l-istituzzjoni Ewropea ġiet spjegata lill-Prim Ministru Joseph Muscat waqt żjara li għamel…

Aktar