Nar fil-fdalijiet tal-lukanda Jerma … iżda din mhix l-ewwel darba

Fotografu li llum waranofsinhar inzerta għaddej minn Wied il-Għajn inħasad meta ra duħħan iswed ħiereġ mill-fdalijiet tal-lukanda Jerma. L-inċident seħħ għall-ħabta tas-2.00 p.m. u kif ra d-duħħan il-fotografu ssogra jersaq aktar fil-qrib biex jara eżatt x’qed jiġri. Dan filwaqt li ħa wkoll xi ritratti tal-istat li l-bini tal-lukanda jinsab fiha.

Fi kliem il-fotografu l-bini qiegħed fi stat perikoluż ħafna tant li anki mir-ritratti li ħa jidhru biċċiet tas-saqaf li ċeda. Qal iżda li n-nies xorta waħda għadhom jidħlu fil-bini abbandunat u saħansitra jarmaw anki kampijiet għall-‘camping’ fih. Huwa sostna li ma jistax jifhem kif in-nies għadhom jieħdu dan is-sogru.

Mir-ritratti, in-nar jidher li kien wieħed kbir u filwaqt li d-Dipartiment tal-Protezzjoni Ċivili, mar fuq il-post biex jitfiħ, kelliem għas-CPD qalilna li dan kien biss nar li qabad mill-ħmieġ u ż-żibel li jitħalla fuq il-post. Qal li x’aktar kien hemm xi plastik u kien għalhekk li kien hemm dik id-daħna kbira u sewda. Huwa sostna li kemm-il darba jkollhom telefonati ta’ nirien simili u jkollhom immorru fil-lukanda biex jitfuhom. Dan sostnieh ukoll il-fotografu li qal li fuq ġewwa, diversi partijiet tal-bini jidhru maħruqa, saħansitra l-kamra li fil-passat kienet is-sala prinċipali tal-Jerma Palace Hotel.

Aħbarijiet Oħra
Edukazzjoni

L-istudenti fl-iskejjel sekondarji tal-Gvern li għażlu suġġetti vokazzjonali, minn Settembru li ġej se jibda jkollhom il-lezzjonijiet minn klassijiet li ngħataw bixra differenti għax ġew mgħammra b’apparat li jixbah dak li…

Agrikultura

Deskritt bħala wieħed mill-ifjen żjut minn esperti u chefs magħrufa internazzjonalment, fosthom Jamie Oliver, iż-żejt taż-żebbuġa Malti għandu karatteristiċi partikulari li jiddistingwuh. Sejbiet arkeoloġiċi juru li elfejn sena ilu, ir-Rumani…

Kultura

Niċċa bi statwa devota tar-Redentur, fit-triq għal Marsaxlokk, se tiġi restawrata. Ix-xogħol se jsir mid-Direttorat tar-Restawr fi ħdan il-Ministeru għall-Ġustizzja, Kultura u Gvern Lokali u għandu jitlesta sal-aħħar tas-sena. Il-Perit…

Annimali

Numru ta’ kuċċiera qalu li qegħdin jikkunsidraw li jiftħu kawża fil-Qorti biex ireġġgħu lura l-avviż legali li bih ma jistgħux jaħdmu bil-karrozzin bejn is-siegħa u l-erbgħa ta’ waranofsinhar f’Lulju u…

Aktar