Ambjent
Nestle twiegħed premji lil min jirriċikla l-prodotti tagħha

Is-separazzjoni tal-iskart bħala azzjoni ambjentali bdiet tilħaq ukoll il-kumpaniji li għandhom l-obbligu li jirkupraw skart tal-ippakkjar li jpoġġu fuq is-suq.

Il-kumpanija Nestle Malta, flimkien ma’ GreenPak, nediet l-iskema Nestle Collect, biex tirkupra mingħand il-konsumaturi l-vażetti, laned u pakketti ta’ madwar mitejn prodott li tpoġġi fuq is-suq biex ikunu jistgħu jiġu riċiklati.

Alfred Borg, f’isem il-kumpanija, qal li bl-iskema se jiġu ppremjati l-konsumaturi, li ser jakkwistaw rigali, filwaqt li jgħin biex il-materjal tal-ippakkjar ikun riċiklat b’mod strutturat u regolat, u mhux jispiċċa kollu fiż-żibel.

Is-Sur Borg qal li b’din l-iskema, il-kumpanija qed tqawwi l-impenn tagħha favur l-ambjent lokali, tippromwovi s-separazzjoni tal-iskart f’Malta, u ssaħħaħ ir-responsabbiltà soċjali tagħha bħala kumpanija.

Żied jgħid li l-klijenti jistgħu jidħlu fl-iskema billi jirreġistraw fuq is-sit tal-kumpanija, li se tkun topera miċ-ċentru tal-konsumatur li l-kumpanija għandha f’Ħal Lija.

Aħbarijiet Oħra
Qorti

Raġel ta’ 43 sena minn Ħal Tarxien ġie kkundannat 18-il xahar ħabs u mmultat ħames mitt ewro wara li ġie akkużat bi traffikar u pussess ta’ droga u li huwa…

Qorti

Raġel ta’ 35 sena nstab ħati li kkaġuna ksur lil mara, li żammha kontra l-volontà tagħha u li heddidha. Destiny Ogbiede ġie kkundannat sena priġunerija effettiva mill-Maġistrat Charmaine Galea. In-Niġerjan…

COVID-19

Minn nhar il-Ġimgħa li għadda reġgħu bdew isiru l-funerali taħt għadd ta’ direttivi differenti. Fost id-direttivi hemm li l-funerali jistgħu jsiru fil-miftuħ bħal f’ċimiterji jew fuq iz-zuntier tal-knisja, jew fi knejjes…

Aktar