Politika
Neville Gafà mhux se jkun ikkonfermat mill-ġdid f’kariga pubblika

Fl-ewwel jum sħiħ bħala Prim Ministru, minbarra l-għażla tal-membri tal-kabinett, Dr Robert Abela kompla jagħżel jew jikkonferma l-uffiċjali li se jassistuh fl-Uffiċċju tal-Prim Ministru.

Sorsi qalu li Neville Gafà mhux se jiġi kkonfermat bħala uffiċjal f’Kastilja jew f’kariġi pubbliċi oħrajn. TVM infurmat li dalgħodu, Neville Gafà bagħat ir-riżenja mill-kariga li kien jokkupa bħala persuna ta’ fiduċja lis-Sur Clyde Caruana, li beda jmexxi s-Segretarjat tal-Prim Ministru.

Fl-aħħar jiem, Neville Gafà ssemma fl-inkjesta pubblika dwar il-qtil ta’ Daphne Caruana Galizia, fejn ġie allegat li lejlet il-qtil tal-ġurnalista, deher jieħu ritratti tagħha fil-pubbliku. Hu kien allegatament involut ukoll fl-allegat tixħim fil-ħruġ tal-visas mediċi lil ċittadini Libjani li riedu jiġu Malta għall-kura. Ftit tas-snin ilu, is-Sur Gafa kien tneħħa wkoll minn uffiċjal fil-Ministeru għas-Saħħa.

Aħbarijiet Oħra
Lokali

Il-ġurnalist veteran Reno Bugeja rrapporta għax-xogħol għall-aħħar darba mal-istazzjon nazzjonali wara karriera ta’ 44 sena. Is-Sur Bugeja se jirtira bl-età f’nofs dan ix-xahar wara li għall-aħħar seba’ snin mexxa l-Kamra tal-Aħbarijiet…

Lokali

Issokta r-restawr tal-fortifikazzjonijiet li jinkludu l-Ospizio fil-Furjana biex sas-sajf ta’ sentejn oħra jinfetaħ għall-pubbliku dak li qed jissejjaħ bħala l-ewwel mużew tal-arti kontemporanja f’Malta bl-isem ta’ MICAS. Il-proġett jinkludi fost…

Avjazzjoni

L-Air Malta kitbet paġna oħra fl-istorja tagħha meta ajruplan tal-linja nazzjonali tar għall-ewwel darba lejn l-Indja biex ħa lura f’Kerala 110 ċittadin Indjan f’titjira ta’ ripatrijazzjoni mħallsa mill-gvern. Tkellimna ma’…

Lokali

Il-Programm taċ-Ċittadinanza b’Investiment se jingħalaq u l-aġenti ġew infurmati biex ma jaċċettawx iżjed applikazzjonijiet. Minflok ser isiru regolamenti ġodda dwar ir-residenza b’żewġ saffi. Saff minhom jagħti dritt lil persuni li…

Aktar