Barranin
Neymar akkużat bi stupru – iwieġeb pubblikament

L-istilla tal-futbol Brażiljana, Neymar da Silva Santos Júnior, qed jiġi akkużat bi stupru u vjolenza.

Il-mudella Najila Trindade qiegħda takkuża lil Neymar bi stupru u vjolenza f’lukanda f’Pariġi. Hija qed tallega li dan ġara fil-15 ta’ Mejju iżda ħarġet b’dawn l-allegazzjonijiet ftit tal-jiem ilu wara li għamlet rapport u dehret fuq programm.

Trinidade qalet li trid li titwettaq ġustizzja fil-konfront tagħha. Safrattant, il-kumpanija MasterCard waqqfet il-kampanja ta’ riklamar li kellha ma’ Neymar fid-dawl ta’ dawn l-allegazzjonijiet. Bħall-MasterCard, il-kumpanija tan-Nike ukoll esprimiet it-tħassib tagħha dwar il-każ.

Neymar pubblikament ċaħad l-akkużi kollha miġjuba kontrih filwaqt li rringrazzja lil dawk kollha li qed ituh l-appoġġ f’dan il-mument diffiċli. L-avukata ta’ Neymar qalet li tinsab konvinta li se turi lid-dinja li Neymar huwa innoċenti u li safa’ vittma tal-ġrajja kollha.

Neymar għamel id-dikjarazzjoni bil-krozzi wara li weġġa’ l-għaksa f’logħba tal-Brażil kontra l-Qatar.

Trinidade min-naħa tagħha rilaxxat filmat li ġibdet li skontha, huwa prova biżżejjed ta’ dak li qed tallega.

Aħbarijiet Oħra
Barranin

Zippy miet eroj hekk kif irnexxielu jsalva lil familtu minn ħalq il-mewt. Il-familja Butler jgħixu f’Bradeton, fi Florida meta lejl minnhom, waqt li kienu rieqdin, tħeġġeġ in-nar fir-residenza tagħhom. Minkejja…

Barranin

Il-passiġġieri abbord titjira tad-Delta twerwru wara li l-ajruplan li kienu qed jivvjaġġaw fuqu qabad u niżel mad-9,000 metru ‘l isfel f’daqqa. It-titjira, li telqet minn Atalanta, esperjenzat dak li jissejjaħ…

Kurżitajiet

Fir-riżerva naturali tal-Maasai Mara tfaċċat żebra rari….flok bi strixxi bojod u suwed….b’tikek bojod fuq sfond iswed.   Il-ferħ ta’ żebra skantat lil bosta bid-dehra tagħha u ngħatat l-isem ta’ Tira,…

Barranin

Fl-Eġittu, mijiet ta’ dimostranti nġabru fi Pjazza Tahrir fil-Kajr, fl-ewwel protesti mindu laħaq il-President Abdul Fattah al-Sisi fl-2014 wara r-rivoluzzjoni Eġizzjana tliet snin qabel. Il-forzi tal-ordni tefgħu gass tad-dmugħ biex…

Aktar