Lokali
NGO Ingliża toffri s-servizz lill-Maltin li jridu jagħmlu abort, tirreaġixxi l-Life Network Foundation

Il-qasma bejn dawn favur u kontra l-abort tista tkompli tiħrax wara li n-NGO Ingliża, magħruf bhala Abortion Support Network ħabbret fi stqarrija li ser testendi s-servizzi tagħha f’Malta u f’Ġbiltà għan-nisa li jkunu jridu jagħmlu abort.

L-organizzazzjoni volontarja qalet li lesta tagħti anke appoġġ finanzjarju u l-informazzjoni u akkomodazzjoni lin-nisa li jkunu jridu jagħmlu abort li jkollhom bżonn jagħmlu dan f’pajjiż ieħor minħabba l-liġijiet ristrittivi tagħhom fuq l-abort. L-Organizzazzjoni qalet li taħdem mill-qrib ma’ kliniċi tal-abort f’diversi pajjiżi.

F’Malta, l-abort huwa illegali u l-organizzazzjoni Life Network Foundation għaddejja b’kampanja biex l-abort jibqa’ illegali f’Malta.

Fi stqarrija, il-Life Network Foundation esprimiet sens ta’ xokk li din l-organizzazzjoni qed toffri servizzi favur l-abort. Kompliet tgħid li bħala Fondazzjoni hija toffri servizzi biex tipprovdi appoġġ lin-nisa tul it-tqala biex jagħmlu l-aħjar għażliet għalihom u għat-tarbija tagħhom.

Osservat ukoll li l-organizzazzjoni baranija ma jimpurahiex mill-ħajja u ma toffri l-ebda għajnuna għar-riperkussjonijiet fiżiċi u psikoloġiċi tal-abort. Il-Fondazzjoni appellat lill-awtoritajiet biex jieħdu miżuri neċesarji biex jaraw li l-ħajjiet tal-ommijiet u tat-trabi mhux imwielda jiġu mħarsa mit-theddida tas-servizzi offruti mill-Abortion Support Network.

Aħbarijiet Oħra
Lokali

“Għajnu Aħmar it-Tonn” jew “It-Tonn tal-Melliħin” kienet l-għajta tas-sajjieda Melliħin li sal-bidu tas-sittinijiet kienu jbiegħu t-tonn li jaqbdu bit-Tunnara. Is-sajd bit-tunnara nqata’ iżda fil-mużew tat-Tunnara fil-bajja tal-Mellieħa, għaqda volontarja Melliħija ikkonservat…

Pulizija

Fl-aħħar xahrejn, l-uċuħ ta’ erba’ Pulizija saru familjari mal-komunità tal-Mellieħa. Ir-residenti laqgħuhom u jqisuhom “ta’ ġewwa”. Dawn l-erba’ uffiċċjali jiffurmaw l-ewwel Community Policing Team fi proġett pilota mniedi mill-Korp. Intervistat…

Malta

Fil-Greċja, hemm madwar 3,500 persuna b’konnessjonijiet Maltin, il-maġġoranza f’Korfu fejn jgħixu Griegi b’nisel Malti li saħansitra jwasslu sar-raba’ u l-ħames ġenerazzjoni. Waqt żjara fil-Greċja, il-President George Vella ltaqa’ ma’ rappreżentanti…

Kisbiet

Imwieled Malta u emigra lejn l-Awstralja 44 sena ilu wara li gradwa mill-Università ta’ Malta dak iż-żmien kienet magħrufa bħala The Royal University of Malta. F’intervista ma’ TVM, il-Professur Stephen…

Aktar