NGOs jilqgħu d-diskussjoni dwar żieda fil-paga minima

Il-Kampanja Paga Minima Diċenti, li fiha qed jipparteċipaw numru ta’ organizzazzjonijiet mhux governattivi, esprimiet soisfazzjon għall-fatt li bdiet issir diskussjoni dwar il-possibilità li tiżdied il-paga minima.

Il-Kampanja qalet li l-argumenti tal-ekonomisti waqt din id-diskussjoni, li saret waqt laqgħa tal-MCESD ilbieraħ, mhux biss ma jikkontradixxux l-argumenti u l-konklużjonijiet tagħha imma pjuttost isaħħuhom.

Il-Kampanja Paga Minima Diċenti qalet li tilqa’ wkoll il-proposta li saret u li ġiet appoġġata miż-żewġ ekonomisti Gordon Cordina u Lino Briguglio biex jiġi mwaqqaf kumitat konsultattiv li jkun jaqa’ taħt l-MCESD.

L-organizzazzjonijiet li qed jipparteċipaw fil-Kampanja huma: Aditus Foundation, Alleanza Kontra l-Faqar, Caritas, Forum Bormliż, Integra Foundation, Koperattiva Kummerċ Ġust, Malta Humanist Association, Malta Microfinance, Mid-Dlam għad-Dawl, Millennium Chapel, Moviment Graffitti, Paulo Freire Institute, Peace Lab, The Critical Institute, Third World Group and Żminijietna – Voice of the Left.