Mużika
NGOs tal-annimali se jingħataw fondi li se jinġabru waqt kunċert fil-Girgenti

L-għaqdiet volontarji li jieħdu ħsieb l-annimali abbandunati ser jerġgħu jkunu l-benefiċjarji tad-donazzjonijiet li ser jinġabru f’edizzjoni oħra tal-kunċert Classics Under the Stars. Il-Palazz tal-Girgenti, li jservi bħala r-residenza tal-Prim Ministru, ser jerġa’ jiftaħ il-bibien tiegħu għal lejla ta’ mużika f’dan il-kunċert fis-26 ta’ Lulju li ġej.

Wasal mill-ġdid l-appuntament annwali tal-kunċert Classics Unders the Stars fil-Palazz tal-Girgenti.

Organiżżat mill-Uffiċċju tal-Prim Ministru, is-Sinjura Michelle Muscat spjegat li l-kunċert huwa b’xejn iżda d-donazzjonijiet li se jinġabru jmorru biex jiġu mgħejjuna għaqdiet volontarji li jaħdmu b’risq l-annimali.

Michelle Muscat qalet li “naħsbu f’min m’għandux vuċi, l-annimali u anke l-klieb fis-santwarji li tant jieħdu ħsieb klieb li huma abbandunati imma li ukoll għandhom bżonn ċertu ammont ta’ fondi u għalhekk dal-kunċert iġib kuntentizza anke f’dawn il-ġranet sbieħ tas-sajf fil-Palazz tal-Girgenti li wkoll ikun miftuħ għall-pubbliku”.

Classics Unders the Stars taht id-direzzjoni tas-surmast Michael Laus jagħlaq l-istaġun tal-Orkestra Filarmonika Nazzjonali. Maestro Laus qal li ġew mistiedna t-tenur Cliff Zammit Stevens u l-baritono Miguel Rosaris.

Maestro Michael Laus qal li “se ndoqqu mużika li għalkemm tissejjaħ klassika hija waħda aċċessibli bħal Waltzes ta’ Johann Strauss, siltiet mill-operetta The Merry Widow u anke mużika Spanjola li kif nafu hija mużika attraenti u kulurita ħafna.”

Għall-kunċert fil-Girgenti jistgħu jattendu sa 1,200 ruħ u l-biljetti jistgħu jinġabru mill-ufficcju tal-Prim Ministru fi Triq San Pawl, il-Belt Valletta.

 

Aħbarijiet Oħra
Annimali

Grupp ta’ għaddasa li niżlu jgħoddsu f’Wied il-Għasri u Reqqa Point f’Għawdex ġew wiċċ imb’wiċċ ma’ skart mhux tas-soltu mormi fil-baħar. L-għaddasa sabu għadd ta’ ġlud tal-fniek mormijin fil-baħar. Bil-kurrent,…

Temp

L-Uffiċċju Metereoloġiku fl-Ajruport Internazzjonali ta’ Malta qed iwissi dwar riħ qawwi li se jaħkem il-gżejjer Maltin. Ir-riħ mit-Tramuntana għall-Majjistral ser ikun qawwi għal qawwi ħafna kultant fuq il-Gżejjer Maltin. Din…

Politika Lokali

Fi stqarrija, il-Gvern ta’ Malta qal li nnota d-dikjarazzjoni tal-familja Caruana Galizia wara r-riżultati tal-inkjesta fil-każ ta’ Egrant fuq allegazzjonijiet li oriġinalment għamlet Daphne Caruana Galizia. Il-Gvern qal li huwa…

Aktar