Lokali
AĠĠORNAT BIL-FILMAT: Nicholas jinħareġ mill-Knisja fost iċ-ċapċip ta’ dawk preżenti

Dalgħodu ngħatat l-aħħar tislima lil Nicholas Zammit, it-tifel ta’ seba’ snin li miet f’inċident traġiku f’barriera l-għada tal-Milied. Fi Knisja ipakkjata fil-Qrendi, attendew it-tfal mill-iskola fejn kien jattendi Nicholas fil-Kulleġġ ta’ San Benedittu, ilkoll bl-uniformi. Wara li nqara l-evanġelju li fih Ġesu’ jgħid lid-dixxipli Tiegħu jħallu lit-tfal imorru għandu, l-amministratur tal-parroċċa Fr Mario Said, fakkar kif seba’ xhur ilu biss, Nicholas kien fl-istess Knisja flimkien ma’ sħabu tal-iskola liebes libsa sabiħa, fejn iċċelebra l-ewwel tqarbina.

“Min jaf Nicholas x’ħass f’qalbu? Illum liebes libsa tal-preċett u Ġesu qed iħaddnu miegħu. Ftakru li se jkun magħkom fl-ispirtu. Fil-kunċert tal-iskola kellu l-parti li jferraħ lil Ġesù. Perswaz li dakinhar Ġesù feraħ ħafna bih. Perswaz li issa kuntent għax qed iħaddnu miegħu.”

Fr Mario Said qal li Nicholas kien tifel intelliġenti, u li jferraħ lil ta’ madwaru. Qal kif fil-klassi kien hemm tifel li ma jafx bil-Malti, u Nicholas kien wieħed li jżommlu kumpanija.
Temm l-omelija tiegħu billi qal li “Alla ma jibgħatilniex traġedji, u t-tbatija hija parti mill-ħajja. Ġesù nnifsu ta ħajtu għalina biex aħna nkunu nistgħu jkollna ħajja. Għax aħna llum qed niċċelebraw mhux il-mewt ta’ Nicholas, iżda l-ħajja ta’ dejjem. Nistgħu ngħidu li fil-parroċċa tagħna issa għandna qaddis ieħor jinterċedi għalina.”

Fost dawk li qraw fil-Knisja kien hemm ħuh Braydon li qara talba tal-fidili u talab biex Alla jżomm Idejh fuq il-ġenituri tiegħu u ta’ Nicholas.

Aħbarijiet Oħra
COVID-19

Fi stqarrija l-Matsec qalet li dawk l-istudenti li xtaqu jagħmlu l-eżamijiet tal-A Levels u l-Intermediates, jistgħu ipoġġu għal dawn l-eżamijiet f’Settembru li ġej. Din is-sessjoni se tieħu post is-sessjoni tar-resits,…

COVID-19

Id-Dipartiment tas-Sigurtà Soċjali qed jilqa’ l-applikazzjoni ta’ erba’ faxex ta’ ħaddiema li jaħdmu jew kienu jaħdmu fis-settur privat u ma baqgħux jaħdmu minħabba l-impatt tal-Coronavirus, iżda li mhux ser jintlaħqu…

Lokali

Wara kjarifiki uffiċjali, kien hemm qbil reċiproku li l-prezz tal-gass f’ċilindru ta’ 12kg ta’ Liquigas se jkun ta’ €15. Dan wara laqgħa llum bejn Liquigas Malta, li talbet biex tiċċarra…

COVID-19

Fiċ-ċirkostanzi preżenti maskra tiswa mitlu deheb partikolarment għal professjonisti li jinsabu fil-fruntiera tal-ġlieda kontra l-imxija tal-Covid-19. Fid-dawl tad-domanda qawwija għall-maskri soffistikati, Inġinier Malti fl-Fakultà tal-Inġinerija tal-Università ta’ Malta żviluppa magna…

Aktar