Lokali
Occupy Justice u Awturi jgħidu li huma ddispjaċuti jaraw l-alleanza bejn il-Gvern u l-Oppożizzjoni

Occupy Justice u Awturi qalu li jinsabu tassew iddispjaċuti jaraw l-alleanza politika bejn il-Gvern u l-Oppożizzjoni tikkonsolida ruħha biex tinħeba l-verità u titbiegħed il-ġustizzja.

Fi stqarrija, qalu li hu dmir tas-soċjetà li b’sinċerità tesprimi sogħba u rabja meta tara lill-Oppożizzjoni tabdika għalkollox mir-responsabbiltà tagħha u tieqaf tgħasses l-imġiba tal-Gvern. Qalu li minflok, ilbieraħ intemmet it-trasformazzjoni tal-Oppożizzjoni f’aġent tar-reġim.

Occupy Justice u Awturi qalu li l-Kap tal-Oppożizzjoni lbieraħ mingħajr anqas biss ra r-rapport t’inkjesta li suppost ibbaża d-deċiżjoni fuqu, ikkundanna lil Simon Busuttil u qal li oħrajn bħalu fosthom David Casa se jasal għalihom “fil-mument opportun”.

Argumentaw li pajjiżna dieħel fi żmien mudlam fejn il-poter kollu hu maħtuf u miżmum mill-ftit.

Aħbarijiet Oħra
Saħħa

L-Alleanza Nazzjonali għall-Mard Rari bħalissa għandha 200 membru li għandhom marda rari. Dan qalitu ċ-Chairperson u Fundatriċi tal-Alleanza, Michelle Muscat, meta tkellmet f’attività fl-okkażjoni tat-tielet sena mit-twaqqif ta’ din l-għaqda…

Xogħol

Il-General Workers Union qed issejjaħ għal emendi fil-liġi tax-xogħol biex il-prinċipju ta’ ħlas ugwali għall-istess xogħol jitwessa’ u jkopri lill-ħaddiema kollha li jaħdmu f’azjenda, inkluż dawk li m’humiex f’impjieg dirett…

Temp

L-uffiċċju meterjoloġiku qed ibassar riħ qawwi ħafna għal għada l-Ħadd 24 ta’ Frar. Jidher li r-riħ se jilħaq il-qawwa ta’ riefnu (forza 8-9) mal-jum ta’ għada. It-temp mistenni jkun imsaħħab…

Aktar