Qorti
Offra lil martu għas-sess biex jagħmel tajjeb għal xirja ta’ €6

Raġel li mar jixri minn ħanut tal-merċa f’Santa Venera offra lil sid il-ħanut biex ikollu x’jaqsam ma’ martu, għax qal li ma kellux biżżejjed flus biex iħallas xirja ta’ €6.

Il-każ instema’ quddiem il-Qorti, hekk kif Themistocles Attard ta’ 46 sena kien akkużat li wettaq hold-up minn dan il-ħanut.

Fil-Qorti ntqal kif fit-8 ta’ Diċembru li għadda Attard mar jixtri mill-ħanut tal-merċa flimkien ma’ mara li qal li kienet martu. Il-kont kien ta’ madwar €6, iżda Attard qal li ma kellux biżżejjed flus. Għalhekk offra lil martu għas-sess bħala ħlas.

Sid il-ħanut irrifjuta, u ftit wara Attard reġa’ tfaċċa fil-ħanut ma’ mara oħra, li qal kienet isbaħ minn ta’ qabilha. Għal darb oħra reġa’ offra din il-mara għas-sess bħala ħlas għal flixkun whisky, bis-sid tal-ħanut jerġa’ jirrifjuta.

Mat-tielet darba Attard jidher li bidel it-tattika, u minflok b’offerta ta’ sess hedded lil sid il-ħanut b’dik li kienet tidher qisha arma tan-nar. Huwa rnexxielu jieħu l-cash register li fiha kien hemm €500, u jaħrab minn fuq il-post.

Attard qed iwieġeb mhux ħati, bl-avukat tiegħu jgħid li Attard kien jgħix f’ċirkostanzi iebsa, għaliex martu li kienet ilha snin marida u hu l-vizzju tad-droga.

Aħbarijiet Oħra
Lokali

Fi tmiem laqgħa li damet għaddejja aktar minn ħames siegħat, il-Kap tal-Partit Nazzjonalista Adrian Delia qal lill-ġurnalisti barra id-Dar Ċentrali li l-laqgħa tal-grupp parlamentari kienet waħda kostruttiva u li fiha…

Kronaka

Tilef ħajtu fl-Isptar Mater Dei, il-ħaddiem żagħżugħ ta’ 23 sena mill-Mali, li l-Ħamis tal-ġimgħa l-oħra waqa’ għoli ta’ madwar 4 sulari fil-bini tal-iskola l-ġdida tal-Qawra. L-inċident seħħ meta nqasmet tavluna…

Lokali

Il-Kap tal-Partit Nazzjonalista Adrian Delia deher dieħel id-Dar Ċentrali għal-laqgħa kruċjali tal-Grupp Parlamentari Nazzjonalista. Huwa kien milqugħ minn xi partitarji Nazzjonalisti. Mistoqsi minn TVM, Adrian Delia qal li mhux se…

Aktar