Kisbiet
Oliver Scicluna u Camilleri Cuschieri rebbieħa tal-Premju Monsinjur Mikiel Azzopardi

Iċ-Chairperson tal-Kummissjoni għad-Drittijiet tal-Persuni b’Diżabbiltà, Oliver Scicluna, u l-kumpanija Camilleri & Cuschieri Consulting Engineers, huma r-rebbieħa tal-Premju Monsinjur Mikiel Azzopardi għal din is-sena.

Ir-rebbieħa tħabbru minn Fr Martin Micallef, Direttur tad-Dar tal-Providenza waqt kunċert li sar ilbieraħ fil-Katidral Metropolitan ta’ San Pawl, l-Imdina fl-okkażjoni tal-Jum Internazzjonali tal-Persuni b’Diżabbiltà.

Dan il-Premju, li tnieda għall-ewwel darba fl-1955, jingħata biex jirrikonoxxi l-kontribut ta’ persuni fil-qasam tal-persuni b’diżabbiltà f’Malta u Għawdex, kif ukoll persuni u entitajiet li jgħinu lid-Dar tal-Providenza.