Qorti
Omm Liam Debono tinżamm arrestata wara li ammettiet li serqet

Mara ta’ 37 sena ammettiet ħtijietha għal sensiela ta’ serqiet minn pompi tal-petrol f’diversi lokalitajiet.

Charlotte Zammit, omm Liam Debono, akkużat bl-attentat ta’ qtil tas-Surġent Simon Schembri, ġiet akkużata li bejn Mejju u Ġunju serqet minn pompi tal-petrol f’Raħal Ġdid, Ħaż-Żabbar, Ħ’Attard, Ħal Qormi, San Pawl il-Baħar u l-Mellieħa. Is-serqiet kollha saru billejl.

Il-prosekuzzjoni nsistiet għal sentenza ta’ ħabs, bl-ispettur Roderick Agius jgħid li l-akkużata, li hija ricediva, ingħatat ċans diversi drabi biex tirriforma ruħha u toħroġ mill-vizzju tad-droga u tista’ tkun ta’ periklu għas-soċjetà.

L-akkużata ma talbitx għal ħelsien mill-arrest, bil-qorti mistennija tagħti s-sentenza tagħha l-ġimgħa d-dieħla.

Aħbarijiet Oħra
Relazzjonijiet Industrijali

Il-Qorti laqgħet mandat t’inibizzjoni li ntalab minn Steward Health Care Malta bil-għan li jevita azzjoni industrijali mill-Union għall-Infermiera u l-Qwiebel (MUMN). Il-kwistjoni tirrigwarda infermiera barranin li ġew impjegati fl-Isptar Ġenerali…

Xjenza

Min jirnexxielu jqum fis-sigħat bikrin ta’ filgħodu jista’ jitpaxxa b’xena mhux tas-soltu fis-smewwiet. Il-kometa C/2020 F3 Neowise bħalissa qed tidher ċara jekk wieħed iħares lejn ix-xefaq fil-lvant ta’ Malta. L-astrofiżiku…

Kronaka

Mara Franċiża ta’ 63 sena li tgħix Ta’ Xbiex weġġgħet gravi wara li ġiet milquta minn vettura fil-Gżira lbieraħ. Il-Pulizija kienet infurmata bl-inċident fi Triq ix-Xatt għall-ħabta tas-12.45 ta’ wara…

Kronaka

Xufier ta’ trakk għal xi ħin spiċċa maqbud ġol-vettura wara li nqaleb biha dalgħodu. L-inċident seħħ għall-ħabta tad-9.00am fil-Magħtab, meta x-xufier kien qed isuq trakk tal-għamla Suzuki Iveco. TVM infurmat…

Aktar