Lokali
AĠĠORNAT: Omm tmut mewta naturali – tinstab 3 ijiem wara f’darha

Mara ta’ 64 sena lbieraħ filgħaxija nstabet mejta fid-dar tagħha f’Bormla, u li nstabet wara li kienet ilha tliet ijiem mejta. Fl-istess dar instabet bintha, mitlufha minn sensiha u li ttieħdet għall-kura fl-isptar Mater Dei.

Il-pulizija qed tinvestiga s-sejba ta’ katavru ta’ mara ta’ 64 sena f’residenza f’Bormla, li mietet b’kawża naturali. Fl-istess dar, iżda f’kamra separata nstabet bint il-vittma, mitlufa minn sensiha, fejn skont informazzjoni li għandna, lanqas biss kienet indunat li ommha kienet mejta.

Il-pulizija ġew infurmati bil-każ ilbieraħ għall-ħabta tas-seba ta’ filgħaxija b’TVM infurmat li l-katavru tal-mara, instab f’residenza fi Triq Wiġi Rosato, u li kien ilu hemm madwar tliet ijiem. Fuq il-post issejjaħ tim mediku li assista lil bint il-mara li nstabet mitlufa minn sensiha minħabba ċirkustanzi li ma kellhiex kontroll fuqhom, u li minhabba f’hekk, skont sorsi qrib TVM, bint il-vittma lanqas biss indunat li ommha kienet mejta f’kamra oħra. Il-mara ttieħdet l-isptar Mater Dei għall-kura.

L-investigazzjonijiet tal-Pulizija għadhom għaddejin.

Aħbarijiet Oħra
Lokali

Il-Ministru għall-familja Michael Falzon dalgħodu ta lill-Fondazzjoni Sebħ, €2.5 miljuni fuq medda ta’ tliet snin għal erbat’ idjar li jagħtu residenza lil tfal li ma jistgħux jgħixu mal-familji naturali tagħhom….

Qorti

Seba’ snin wara li  pazjent fl-Isptar Karin Grech faga mejjet waqt li kien qed jiekol tiġieġa ntemmu l-proċeduri kriminali kontra tliet membri tal-istaff tal-infermiera. L-infermiera Maria Bondin ta’ 61 sena…

Qorti

Raġel ta’ 42 sena miż-Żebbuġ, Għawdex inżamm arrestat wara li tressaq fil-Qorti t’Għawdex, quddiem il-Maġistrat Joanne Vella Cuschieri akkużat bi traffikar tad-droga kokaina kif ukoll bil-pussess ta’ droga kokaina u…

Lokali

Bħalissa, il-Prim Ministru Joseph Muscat qed jindirizza konferenza tal-aħbarijiet dwar Brexit. Matulha Dr Muscat ħabbar it-tħejjijiet li qed tagħmel Malta f’każ li r-Renju Unit joħroġ mill-Unjoni Ewropea mingħajr ftehim u…

Aktar