Barranin
Omm turi ħniena mal-ex raġel tagħha li qatel lit-tfal tagħhom

Omm ta’ ħamest itfal li nqatlu minn missierhom uriet ħniena miegħu fil-Qorti u talbet lill-Qorti biex ma tikkonsidrax il-piena kapitali.

Amber Kyzer qalet lill-Qorti f’South Carolina li l-ex raġel tagħha, Tim Jones Jr ma wera ebda ħniena lejn it-tfal, iżda t-tfal kienu jħobbuh.

F’Mejju li għadda, ir-raġel ta’ 37 sena tressaq akkużat li qalet lit-tfal, li l-età tagħhom tvarja bejn sena u tmien snin, fid-dar tiegħu nhar it-28 t’Awwissu, 2014. Il-ġurija qed tikkonsidra li Jones jew jingħata l-piena kapitali jew jintbagħat għomru l-ħabs.

Amber Kyzer qalet li bħala omm tixtieq li kieku tista’ tisfiguralu wiċċu. Madankollu hija saħqet li hi kontra l-piena kapitali. Qalet li hu ma weriex ħniena mat-tfal iżda huma kienu jħobbuh u jekk se titkellem f’isimhom, titlob lill-Qorti ma tikkonsidrax il-piena kapitali. Hija kompliet tgħid li tirrispetta kull deċiżjoni li tieħu l-Qorti.

Il-koppja kienet iżżewġet sitt xhur wara li ltaqgħu fl-2004. Iż-żwieġ tagħhom kien tfarrak u ma baqgħux flimkien. Hija kienet iddeċidiet li tih il-kustodja tat-tfal minħabba li kellu paga tajba. Hi kienet tara lit-tfal kull nhar ta’ Sibt.

Il-Qorti semgħet li dakinhar li qatel lit-tfal, kien sab it-tifel ta’ sitt snin jilgħab ma’ plakka. Huwa qabad u qatlu u heżżeż lit-tfal l-oħra. Huwa poġġihom fil-karozza u għamel disat ijiem isuq. Kien waqt li kien wieqaf fit-traffiku f’Mississipi meta pulizija xamm riħa ta’ mejtin ħierġa mill-karozza.

Ir-raġel wieġeb mhux ħati.

Aħbarijiet Oħra
COVID-19

Skont il-BBC, l-Iran kien qed jigdeb fuq l-għadd ta’ nies li għandu nfettati bil-Covid-19, fejn investigazzjoni wriet li filwaqt li l-pajjiż qed jirraporta li għandu ‘l fuq minn 14,000 ruħ…

Barranin

Żewġ astronawti Amerikani rnexxielhom jinżlu b’suċċess fil-baħar wara l-missjoni tagħhom fl-ispazju. Il-kapsula msejħa Space X Dragon bl-astronawti Dough Hurley 7u Bob Behnken niżlet fil-golf tal-Messiku fejn imbagħad dgħajsa ġabret lill-astronawti…

Barranin

Tal-inqas 18-il uffiċjal tal-pulizija ndarbu waqt li kienu qed jipprovaw iferrxu l-folla fi protesta kontra l-miżuri tal-lockdown kontra l-coronavirus f’Berlin il-Ġermanja. Il-pulizija qalet li tliet uffiċjali qed jingħataw il-kura fl-isptar….

Barranin

L-astronawti Amerikani Doug Hurley u Bob Behnken mistennija jinżlu fil-baħar ‘il barra mill-kosta ta’ Florida llum, hekk kif iktar kmieni telqu mill-istazzjon spazjali fil-kapsula Dragon Endeavour. Jekk l-astronawti jinżlu b’wiċċ…

Aktar