Edukazzjoni
Ordnati azzjonijiet industrijali fl-iskejjel tal-Gvern u tal-Knisja

Il-Union of Professional Educators ordnat azzjonijiet industrijali fl-iskejjel tal-Gvern u tal-Knisja.

Il-Kap Eżekuttiv tal-UPE, Graham Sansone, allega li d-Dipartiment tal-Edukazzjoni mhux iħallas lill-edukaturi tas-sahra kollha li qed jagħmlu waqt is-superviżjoni fit-trasport tal-iskejjel. Hu qal li l-edukaturi qed jagħmlu tliet sigħat sahra kuljum iżda qed jitħallsu ta’ sagħtejn.

Is-Sur Sansone qal li inġustizzja oħra nħolqot minħabba dak li sejjaħ nuqqas ta’ ħsieb fil-ftehim settorjali li ġie ffirmat sentejn ilu. Hu qal li l-edukaturi fil-grad ta’ LSEs qed jitħallsu inqas mil-LSEs li daħlu wara l-iffirmar tal-ftehim. Is-Sur Sansone qal li l-Union qed titlob li l-edukaturi jingħataw il-flus dovuti lilhom.

Il-UPE qed tordna lil-LSEs biex fost oħrajn ma jagħmlux laqgħat mal-ġenituri ta’ studenti b’diżabilità u ma jagħmlux verżjoni eħfef tal-lezzjonijiet lill-istudenti tagħhom. Il-Kap Eżekuttiv qal li jekk is-sitwazzjoni tibqa’ kif inhi, il-UPE se tħabbar aktar direttivi nhar it-Tnejn.

Sadanittant, il-Union tal-Għalliema fi stqarrija qalet li l-Ministeru għall-Edukazzjoni kkonferma li l-ħlas tas-supervisors fit-trasport tal-iskejjel se jibqa’ l-istess bħas-sena skolastika li għaddiet. Dwar l-anomaliji fil-ħlas tal-LSEs, l-MUT qalet li tat direttivi jumejn ilu u t-taħditiet mad-Dipartiment tal-Edukazzjoni biex din il-kwistjoni tissolva, se jissuktaw għada.

Aħbarijiet Oħra
COVID-19

Il-Coronavirus qed jolqot sew l-Amerka Ċentrali li saret l-epiċentru tal-pandemija. Fi Gwatemala, żewġ saċerdoti missjunarji Għawdxin qalu li fl-aħħar ġimgħat, il-faqar kompla jgħolli rasu b’saħanisitra familji qed itajru bandiera bajda…

COVID-19

Sidien ta’ ristoranti li fetħu fi tmiem il-ġimgħa wara aktar minn xahrejn magħluqa qalu lil TVM li minkejja li kien bidu kwiet, iħossuhom pożittivi għaliex il-klijenti qed juru sinjali ta’…

COVID-19

Għalkemm il-virus Covid 19 għadu mhux megħlub għalkollox u l-vaċċin kontrih jista’ jieħu bosta xhur oħra sakemm jiġi żviluppat u tibda l-produzzjoni tiegħu, bosta pajjiżi reġgħu bdew ibexxqu l-bieb tas-sistema…

COVID-19

Wara aktar minn xahrejn mċaħħda milli jaraw lill-qraba anzjani tagħhom, għadd kbir ta’ qraba bdew jingħataw l-opportunità li jaraw lil qrabathom minn wara l-perspex. Il-Kap Eżekuttiv ta’ San Vincenz de…

Aktar