Partit Nazzjonalista
“Pajjiżna jeħtieġ ekonomija li tegħleb l-isfidi” – Adrian Delia

Il-Kap tal-Oppożizzjoni Adrian Delia qal li jeħtieġ ekonomija li tegħleb l-isfidi u mhux toħloq vittmi ta’ suċċess. Il-Kap Nazzjonalista qal dan f’laqgħa mal-uffiċjali tal-Kummerċ li fih ġew diskussi l-proposti taż-żewġ naħat għall-budget tas-sena d-dieħla.

Dr Delia qal li għalkemm l-ekonomija mixja ‘l quddiem imma faxex tas-soċjetà li jibqgħu fejn huma jew saħansitra qegħdin jaqgħu lura. Huwa qal li hemm bżonn li jinżammu l-prinċipji tal-bilanċ u s-sostenibilità. Dr Delia qal li l-Partit Nazzjonalista huwa attiv anke mill-Oppożizzjoni għax mhux qed jistenna li jkun fil-Gvern biex jaħdem ħalli titjieb il-kwalità tal-ħajja tan-nies.

Il-President tal-Kamra tal-Kummerċ, il-Perit David Xuereb qal li hemm ħafna xebh fil-proposti taż-żewġ naħat. Il-Perit Xuereb żied jgħid li s-suċċess ekonomiku ta’ pajjiżna jeħtieġ li jiġi mħares u msaħħaħ sabiex ikun hawn tkabbir sostenibbli. Dwar il-kera qal li din mhix qed issolvi l-problemi u dwar ir-rapport tal-Moneyval,qal li jeħtieġ li nerġgħu nsaħħu r-reputazzjoni ta’ pajjiżna fil-qasam tas-servizzi finanzjarji.

Il-President tal-Kamra tal-Kummerċ qal li l-bilanċ bejn ix-xogħol u l-ħajja tal-familja, il-ħarsien tal-ambjent u pjan fit-tul huma ta’ importanza għall-kamra. Tkellem ukoll dwar il-bżonn ta’ dixxiplina u regolamentazzjoni għall-qasam tal-kostruzzjoni.

Aħbarijiet Oħra
Lokali

Il-gvern ħabbar il-ftuħ tal-istaġun tal-insib tal-ħarifa għal żewġ speċi: il-pluviera u l-malvizz. Fi stqarrija tas-Segretarjat Parlamentari għall-Biedja, Sajd u Drittijiet tal-Annimali ntqal li wara li evalwa r-rakkomandazzjonijiet tal-kumitat Ornis, l-istaġun…

Sport

Fit-tielet logħba tagħhom fil-Kampjonat tal-Amateurs, it-tim ta’ Syria Gżira FC kiseb l-ewwel rebħa bl-iskor ta’ 3-1 kontra Fleur De Lys FC. Il-player Lucky Chizobor skurja żewġ gowls filwaqt li Julius…

Saħħa

Ilbieraħ filgħaxija għadd ta’ nies nġabru quddiem iċ-Ċentru Esplora fil-Kalkara għal mixja simbolika bħala parti mix-xahar iddedikat għall-għarfien dwar il-kanċer tas-sider, magħruf bħala Pink October. Din is-sena n-nisa u l-irġiel…

Lokali

L-invażjoni Torka fit-Tramuntana tas-Sirja ġiet ikkundannata mill-komunità Kurda f’Malta li bl-appoġġ tal-Moviment Graffitti organizzaw manifestazzjoni paċifika quddiem l-Ambaxxata Torka fil-Floriana. Huma kkundannaw dak li sejħu bħala assalt brutali u mingħajr…

Aktar