NGOs
Paul Gauci jagħti €7 miljun f’shares għall-karità

Paul Gauci, li huwa s-sid tal-maġġoranza tal-ishma fil-PG Group, ta €7 miljun minn dawn l-ismha lil għaqdiet karitattivi f’Malta.

Id-donazzjoni, li saret bħala parti mill-programm tal-grupp ‘Caring for our Community’, ngħatat lil Malta Trust Foundation, Puttinu Cares, Dar Bjorn, L-Ursolini, u l-Fondazzjoni Sebħ.

F’Lulju li għadda s-Sur Gauci diġà ta donazzjoni ta’ ishma lill-Caritas u lid-Dar tal-Providenza.

Is-Sur Gauci qal li ta lil dawn l-għaqdiet ishma, u mhux sempliċi donazzjoni ta’ flus, għaliex jirrispettahom għall-ġid li jagħmlu fil-komunità u jrid li jkunu parti mill-familja tall-grupp PG.

L-Eċċellenza Marie Louise Coleiro Preca, Chairperson tal-Malta Trust Foundation, faħħret lis-Sur Gauci u lil martu għas-sens ta’ responsabbiltà soċjali li qed juru biex jagħmlu d-differenza fil-ħajja ta’ tfal u żgħażagħ vulnerabbli.