Lokali
“Paul kien jiftaħ il-bibien biex jgħin lill-fqar”

Ingħatat l-aħħar tislima lil Paul Anthony Formosa ta’ 52 sena li nqatel fis-Somalja mill-grupp terroristiku Al Shabaab fl-4 ta’ Frar. Paul Anthony Formosa huwa l-ewwel Malti li nqatel minn militanti Iżlamiċi. Fr Marcellino Micallef li qaddes il-quddiesa qal li Paul Formosa kien raġel li ppratika l-umanità kull fejn kien, liema valur inżera’ wkoll f’uliedu.

Fil-Knisja Parrokkjali ta’ Sant’ Anna f’Wied il-Għajn, ingħatat l-aħħar tislima lil Paul Anthony Formosa li fl-ewwel ġimgħa ta’ dan ix-xahar inqatel mill-grupp terroristiku Al Shabab fis-Somalja fejn kien jaħdem ma’ kumpanija internazzjonali fit-tmexxija tal-port.

Waqt il-quddiesa, il-Patri Franġiskan, Patri Marcellino Micallef, iddeskriva lil Paul Anthony Formosa bħala raġel ġentlom, li mhux biss ħadem għal familtu iżda anke kien magħruf li kien jiftaħ il-bibien biex jgħin lill-fqar.

Patri Marcellino qal “Paul mhux biss kien joffrilhom l-ikel, xorb, imma kien joffrilhom iktar minn hekk u ħadem f’nofs id-dinja, Indja, l-Iraq, l-Ukrajna, Messiku.”

Fr Marcellino faħħar lil Paul għaliex f’ħajtu żera’ l-imħabba għall-fqar anki f’uliedu li jridu jmorru l-missjoni biex iwieżnu lill-batut. Huwa qal li wieħed ma jifhimx u jistaqsi lil Alla, għala nies bħal Paul kellhom itemmu ħajjithom b’dan il-mod tant krudili. Qal li Paul ġie assassinat bħal Ġesù, waqt li ħeġġeġ lil familtu biex quddiem din it-tbatija jagħmlu u jwettqu l-opri tal-ħniena.

Fi tmiem l-omelija, Fr Marcellino appella lill-familja Formosa biex jgħannqu l-umanità, iħobbu l-fqar u jagħtu ħajjithom għal Kristu. Paul Formosa ħalla warajh lil martu Marica, u lil żewġt uliedu Maria u Sarah.

Aħbarijiet Oħra
Politika

Il-Kap tal-Partit Nazzjonalista Adrian Delia akkuża lill-Gvern li tilef ir-ruħ soċjali tiegħu, u li qed itellef lil pajjiż mill-fibra morali, tant li fi kliemu sar pajjiż li fih xi ħadd…

Politika

Il-Prim Ministru u l-Mexxej tal-Partit Laburista, Joseph Muscat, qal li issa huwa ż-żmien biex ikun hemm diskussjoni serja dwar l-integrazzjoni biex kulħadd iħossu ugwali. Dr Muscat qal li dan huwa…

Kultura

Festival ta’ films kontemporanji Taljani se jkun organizzat bejn għada u l-Ħadd li ġej mill-Istitut Taljan tal-Kultura b’kollaborazzjoni ma’ Spazju Kreattiv u l-Programm għall-Istudji tal-Film tal-Università ta’ Malta. Cinema Italia…

Saħħa

Il-kumpanija tal-Gvern Malta Air Travel ippubblikat sejħa għall-proposti biex jinstab operatur għas-servizz tal-ajru bejn Għawdex u Malta. Fi stqarrija konġunta bejn il-Ministeru tat-Turiżmu u l-Ministeru għal Għawdex intqal li l-ħelikopter…

Aktar