Saħħa
Pazjenti b’kanċer tal-prostata operati f’Mater Dei bl-għajnuna tar-robots

Minn kmieni s-sena d-dieħla, pazjenti b’kanċer tal-prostata se jkunu operati fit-teatri tal-Isptar Mater Dei flok jintbagħtu barra minn Malta. Iċ-Chairman tad-Dipartiment tal-Kirurġija, Gordon Caruana Dingli, qal li dan se jsir b’sistema robotika li se tibda tgħin lill-kirurgi waqt l-operazzjonijiet.

“Il-prostata hi f’post remot u hemm in-nervituri jgħaddu viċin, u importanti li titneħħa l-prostata mingħajr ma tagħmel ħsara lil dawn in-nervituri. Allura s-sistema tar-robot tippermetti lill-kirurgu jagħmel din l-operazzjoni preċiża u iktar eżatta milli kieku tagħmilha b’idejk biss.”

Dr Caruana Dingli qal li b’din is-sistema robotika, li saret b’investiment ta’ €4 miljun, l-iskariġġ u l-uġigħ għall-pazjent se jonqos bil-bosta.

“Minflok l-operazzjoni ssir minn ġo ferita kbira, isiru 4 toqob żgħar u l-istrumenti tar-robot jidħlu ġoż-żaqq minn dawn il-feriti żgħar, allura hu jirkupra iktar malajr,” spjega Dr Caruana Dingli.

Id-Deputat Prim Ministru u Ministru għas-Saħħa, Chris Fearne, qal li din it-teknoloġija se tibda tintuża f’operazzjonijiet oħrajn, fejn eventwalment jinfirex fuq operazzjonijiet oħrajn fil-fwied, fl-intern, operazzjonijiet tal-widnejn u ginekoloġiċi.

Il-Ministru Fearne qal li s-sena d-dieħla, se tintuża teknoloġija oħra biex ikun hemm monitoraġġ kontinwu tat-tfal li għandhom iz-zokkor.

Aħbarijiet Oħra
COVID-19

Niżlu għal 10 il-każijiet attivi tal-COVID-19 f’Malta. Dan wara li għal darb’oħra, fl-aħħar 24 siegħa ma kien hemm ebda każ ġdid irreġistrat. Fuq nota pożittiva oħra fieqet persuna. Biex b’hekk…

Politika

Il-Prim Ministru Dr Robert Abela qal li fid-dawl tal-qasma fl-Oppożizzjoni, il-Gvern għandu responsabbiltà ikbar li jżomm l-istabbilità fil-pajjiż. F’kummenti lill-midja wara li ġiet fi tmiema konferenza tal-aħbarijiet, il-Prim Ministru qal…

Kronaka

Raġel ta’ 29 sena minn Birżebbuġa, ilbieraħ filgħaxija ġie arrestat f’ħidma oħra kontra t-traffikar tad-droga. Wara diversi jiem t’osservazzjoni, l-Iskwadra ta’ Kontra d-Droga interċettataw vettura f’Ħaż-Żabbar li kienet qiegħda tinstaq…

Lokali

Il-pjan strateġiku għall-iżvilupp u l-ippjanar (SPED) li fuqu l-bordijiet tal-ippjanar jieħdu d-deċiżjonijiet se jiġi rivedut fi proċess ta’ konsultazzjoni ta’ sitt ġimgħat li beda llum u li se jinkludi wkoll…

Aktar