Kronaka
AĠĠORNAT: Anzjan jitlef ħajtu fl-inċident fi Triq Ħad-Dingli

Raġel ta’ 73 sena tilef ħajtu wara li kien involut f’inċident stradali fi Triq Ħad-Dingli, ir-Rabat. Flimkien miegħu passiġġiera kien hemm mara ta’ 74 sena li tinsab fil-periklu tal-mewnt.

L-inċident seħħ għall-ħabta tad-9.30am bejn Mitsubishi Pajero u Daihatsu Hi-jet.Il-Mitsubishi Pajero kienet qed tinstaq minn raġel ta’ 48 sena residenti Ħad-Dingli. Id-Daihatsu Hi-jet kienet qed tinstaq mir-raġel ta’ 73 sena u mara ta’ 74 sena kienet passiġġiera fl-istess vettura.

Fuq il-post issejħu membri mid-Dipartiment tal-Protezzjoni Ċivili sabiex jassistu. Issejjaħ ukoll tim mediku li taw l-ewwel għajnuna u ambulanza ħadet lir-raġel u l-mara l-Isptar Mater Dei għall-kura meħtieġa. Iktar tard, ir-raġel u l-mara ġew iċċertifikati li qed isofru minn ġrieħi serji. Ir-raġel ta’ 48 sena ma sofra l-ebda ġrieħi.

Bil-każ ġiet infurmata l-Maġistrat tal-Għassa Marseanne Farruġia li ħatret diversi esperti sabiex jassistuha fl-Inkjesta Maġisterjali.

L-investigazzjonijiet tal-Pulizija dwar dan l-inċident għadhom għaddejjin.

Aħbarijiet Oħra
Lokali

Il-Ministru għall-Intern, is-Sigurtà Nazzjonali u l-Infurzar tal-Liġi ħatar inkjesta skont il-liġi bil-għan li tistabilixxi l-fatti b’rabta ma’ każ fejn priġunier li ma ngħatax il-ħelsien mill-arrest, kien rilaxxat mill-ħabs u deher…

Lokali

Il-Maltapost qalet li l-ħidma tagħha għadha ma ġietx lura għan-normal riżultat fost l-oħrajn ta’ tnaqqis b’aktar min-nofs fit-titjirjiet kummerċjali, iż-żieda fix-xiri online u l-akkumulazzjoni ta’ posta f’tliet pajjiżi Ewropej. Il-Maltapost…

COVID-19

Tħassar ukoll il-kunċert ta’ Joseph Calleja li din is-sena kellu jsir fl-4 ta’ Settembru fuq il-Fosos tal-Furjana u li issa mistenni jsir f’format differenti. NnG Promotions, l-organizzaturi tal-kunċert li bħala…

Aktar