Statistika
Persuna mejta u 59 feruti gravi f’inċidenti fit-triq fl-ewwel kwart tas-sena

L-għadd ta’ inċidenti rrappurtati fl-ewwel tliet xhur tas-sena żdiedu b’aktar minn 8% meta mqabbla mal-istess perjodu s-sena li għaddiet.

Skont l-Uffiċċju Nazzjonali tal-Istatistika, bejn Jannar u Marzu kienu rappurtati 3,656 inċident tat-traffiku. Persuna waħda, li kienet passiġġier f’vettura, tilfet ħajjitha f’inċident tat-traffiku.

Skont l-NSO, fl-ewwel kwart tas-sena, il-korrimenti naqsu bi 3%. Miċ-ċifri joħroġ li 30 sewwieq, sitt passiġġieri u 23 persuna oħra li kienu mexjin fit-triq indarbu gravi f’inċidenti tat-traffiku.