Politika
“Persuna nqatlet għall-qżież” – il-PM dwar il-qtil tal-immigrant f’Ħal Far

L-attività politika tal-Partit Laburista llejla kienet fix-Xewkija, bil-Prim Ministru u Mexxej Laburista Joseph Muscat qal li warrab id-diskors li kien ħejja u ffoka fuq l-aħħar żviluppi fil-każ tal-qtil tal-immigrant mill-Kosta tal-Avorju.

Dr Muscat qal li dan il-każ għandu jdaħħal f’qoxorthom lil dawk in-nies li qal iparlaw fil-vojt u li tul is-snin żergħu l-mibgħeda. Il-Prim Ministru qal li nqatlet persuna għall-qżież. Saħaq li m’aħniex dak il-poplu u din mhix Malta tagħna.

Il-mexxej Laburista qal li bil-mod il-mod id-dudu daħal, u min irewwaħ l-aktar kontra l-barranin. Saħaq li jekk il-poplu se jħalli din il-ġrajja tgħaddi qisu mhu xejn, mhux biss tkun inqatlet persuna għal xejn imma nkunu qed niċħdu dak li vera aħna – poplu li jħenn.

Il-Prim Ministru qal li huwa minnu li hawn ħafna barranin iżda staqsa jekk dan ifissirx li għandu jkun hemm sinjali ta’ mibgħeda. Qal li dan hu l-waqt li tinbidel in-narrattiva politika f’dan il-qasam u l-pajjiż jitgħallem iħaddan id-differenzi. Ġibed l-attenzjoni li kien hemm min fuq it-televiżjoni qal nisparaw fuqhom u hekk ġara.

Dr Muscat għadda messaġġ lill-barranin li jgħixu Malta, speċjalment dawk li ġejjin mill-kontinent Afrikan. Assigurahom li dak li ġara Ħal Far ma jirrapreżentax lill-poplu Malti. Stieden lil min jaf xi barrani jew barranija biex jeħdulhom b’idejhom u jistiednuhom għall-ikel sabiex juruhom verament xi tfisser Malta. Saħaq li Malta hija l-Malta li tħobb u mhux li tobgħod.

Il-Prim Ministru tenna li dan il-każ m’għandux jitfa’ dell fuq il-Forzi Armarti li salvaw eluf ta’ persuni mill-għarqa. Qal li m’għandnix nitfgħu lis-suldati kollha f’keffa waħda u għandhom jiġu rispettati tax-xogħol umanitarju li jagħmlu ta’ kuljum.

Aħbarijiet Oħra
Sajd

Idejh jafu jinsġu l-qasab għan-nases, anke b’għajnejh magħluqa. Bis-sengħa tan-nases fid-demm, Ġanni Xuereb, magħruf bħala Ġanni l-Pipi, illum jgħodd iktar minn 80 sena, u għadu ma telaqx in-namra max-xogħol tiegħu, …

Edukazzjoni

Is-sajf wasal biex jintemm u dħalna fl-aħħar ġimgħa qabel ma jerġgħu jibdew l-iskejjel. Iżda x’inhuma s-sentimenti tal-ġenituri u l-istudenti dwar l-bidu tas-sena skolastika ġdida? TVM tkellem mal-ġenituri u l-istudenti. Mal-wieħed…

Lokali

Waqt l-aħħar tislima li ngħatat lil Enrica lbieraħ fil-knisja ta’ San Ġiljan, inġabru €10,000 għal Puttinu Cares. Enrica kienet tgħożż il-familja ta’ Puttinu li tant tawha kuraġġ u sabar waqt…

Aktar