Lokali
AĠĠORNAT: Raġel l-isptar wara li waqa’ f’sit ta’ kostruzzjoni fl-Imtarfa

Raġel ta’ 55 sena residenti l-Imtarfa, weġġa’ gravi meta waqa’ f’sit ta’ kostruzzjoni fl-Imtarfa.

Il-Pulizija qalet lil tvm.com.mt li l-inċident seħħ għall-ħabta tas-7.10 a.m fi Triq Ta’ Slampa.

Mill-ewwel stħarriġ irriżulta li raġel ta’ 55 sena mill-Imtarfa stess u li huwa s-sid tal-post li qed jinbena, mar jittawwal ix-xogħolijiet, meta ċediet ġebla minn gallarija u waqa’ madwar sular għal isfel.

Fuq il-post mar tim mediku li ta l-ewwel għajnuna, il-Pulizija, il-Protezzjoni Ċivili u ambulanza li ħadet lir-raġel l-isptar Mater Dei fejn ġie ċċertifikat li sofra minn ksur.

L-investigazzjonijiet tal-Pulizija dwar dan l-inċident qed jitmexxew mill-Pulizija tad-Distrett.

Aħbarijiet Oħra
Agrikultura

“Marzu jgħidlu ikber, April iżbel u Mejju aħsad.” Hekk jgħid il-Malti għall-qamħ. Żmien il-ħsad tista’ tgħid għadda u minn għelieqi kbar lewn id-deheb illum tilmaħ għexieren ta’ balal ta’ tiben…

Parlament

Id-Deputat Prim Minsitru u Minsitru għas-Saħħa Chris Fearne qal li l-Gvern kien infurmat bil-fomm mill-Kap Eżekuttiv ta’ Steward Healthcare f’Malta dwar ix-xiri ta’ ishma ta’ shareholder Amerikan mill-istess Steward Healthcare. …

Trasport

F’toroq battala mill-vetturi matul il-pandemija jidher li l-użu tar-rota żdied, kemm bħala mezz ta’ attività fiżika imma wkoll mezz ta’ trasport alternattiv. Grupp ta’ nisa b’kollaborazzjoni mal-organizzazjoni MOVE ngħaqdu fil-kampanja ROTA…

Edukazzjoni

Il-Ministru għall-Edukazzjoni, Owen Bonnici, qal li fl-operat mill-ġdid taċ-child care centres se jinstab bilanċ bejn il-ħarsien tas-saħħa tat-tfal u l-operat ta’ dawn iċ-ċentri. Dr Bonnici qal li lest jikkunsidra ideat…

Aktar