Lokali
Persuni b’diżabilità jmorru dawra bil-paraxut

Esperjenza unika u differenti minn tas-soltu għal Christine Borg u Tonio Mercieca, żewġ residenti tad-Dar tal-Providenza b’diżabilità fiżika li jgħixu f’Dar Akkwarell fil-Qawra. Is-Sibt filgħodu Christine u Tonio marru dawra bil-paraxut.

Christine qalet li kienet eċitata; “fl-aħħar ħa nħossni libera. Mingħajr l-ebda xkiel u mingħajr l-ebda restrizzjoni. Libera daqs għasfur.”

Dawn kienu l-kummenti li tatna Christine Borg ftit minuti qabel m’għamlet l-ewwel esperjenza tagħha ta’ dawra bil-paraxut.

Hija qalet li dal-lejl ma raqdet xejn u bdiet taħseb jekk hux se jirnexxielhom jagħmluha, u jekk it-temp kienx se jkun favorihom. “Anżjuza però fl-istess ħin eċitata għax se nagħmilha. U jekk nagħmilha jien jagħmilha kulħadd.”

U fil-fatt din il-ħolma saritilha realtà għax Christine rnexxielha u diġà qed taħseb fuq il-ħolma li jmiss… dik li tgħum mad-dniefel.

Tonio Mercieca, residenti ieħor ta’ Dar l-Akkwarell fil-Qawra, ukoll kellu din l-esperjenza.

“Wara ħafna organizzazzjoni issa waslet il-ġurnata. Nisperaw li kollox għandu jmur sew imma nsomma. Sfida hux. Waħda mill-oħrajn” qal Tonio.

Qabel din l-esperjenza bil-paraxut, Tonio tar fuq ajruplan Microlight u jiddeskriviha bħala sensazzjoni ta’ libertà.

Aħbarijiet Oħra
Reliġjon

Minn għadd ta’ knejjes ħarġu l-purċissjonijiet bil-vari tal-Ġimgħa l-Kbira. TVM żar il-Bażilika Kolleġġjata fl-Isla fejn segwa t-tħejjijiet li jsiru minn wara l-kwinti qabel ħarġet waħda mill-eqdem purċissjonijiiet li jsiru bħal-lum…

Stejjer Umani

Gesmond Micallef ilu għoxrin sena b’riskju għal ħajtu jmur idewwi nies midrubin serjament fil-gwerer. Ftit tal-jiem ilu, is-sur Micallef li huwa infermier ngħaqad ma’ tim mediku Franċiż biex idewwi nies…

Lokali

Għall-Knisja Kattolika l-qofol tat-tifkira tal-Passjoni u l-Mewt ta’ Ġesù ntlaħaq kmieni l-Ġimgħa waranofsinhar fil-knejjes kollha, bir-rakkont tal-Passjoni skont l-Evanġelista San Ġwann, l-Adorazzjoni tas-Salib, u t-Tqarbin. Minn għadd ta’ knejjes imbagħad…

Aktar