Barranin
Piena tal-mewt għal 75 attivist involuti fil-protesti favur l-ex president Morsi
75 ruħ li jinkludu uffiċjali prominenti Iżlamiċi kienu kkundannati għall-mewt bil-forka u 47 dimostrant intbagħtu għal għomorhom il-ħabs mill-qrati Eġizzjati. L-akkużati għandhom konnessjonijiet mal-fratellanza Musulmana ntsabu ħatja ta’ reati konnessi mal-ksur ta’ sigurtà fosthom li instigaw vjolenza, qtil u li organizzaw protesti illegali. 
 
Il-qrati Eġizzjani taw il-verdett tagħhom f’ġuri tal-massa għal aktar minn seba’ mitt dimostrant li kienu involuti fi protesti fl-2013 favur l-ex president Mohammed Morsi li tqaċċat mill-poter mill-ex kap tal-militar u l-president attwali Eġizzjan, Abdel Fattah al-Sisi.
 
Il-protesti fil-kapitali Eġizzjana Kajr, kienu organizzati mill-fratellanza Musulmana u żvolġew f’attakki mdemmija mill-qawwiet tas-sigurtà Eġizzjani kontra mijiet ta’ dimostranti li poġġew bil-qiegħda fi pjazza Rabaa al Adawiya, Il-Human rights Watch kienet iddeskriviet il-qtil ta’ mill-anqas 817 dimostrant bħala att kriminali kontra l-umanità.
 
Dawk mogħtija s-sentenzi mill-qrati jinkludu l-ex uffiċjal Mohammed Badie li ntbagħat l-ħabs għal għomru u l-ġurnalista tal-fotografija Mahmoud Abu Zeid li ngħata sentenza ta’ ħames snin ħabs. Minn dak iż-żmien il-fratellanza Musulmana ġiet pprojbita mill-awtoritjiet Eġizzjani.
 
Il-grupp favur id-drittijiet tal-bniedem l-Amnesty International ikkundannat il-ġuri li ddeskrivietu bħala inġust u li jmur kontra l-kostituzzjoni tal-Eġittu.
Aħbarijiet Oħra
Barranin

Fl-Istati Uniti, in-nominat mill-President Donald Trump għall-Qorti Suprema, l-Imħallef Brett Kavanaugh, qal li mhux se jħalli akkużi foloz jitfgħuh ‘l barra mill-proċess tan-nomina. Waqt intervista fuq Fox News, Kavanaugh qal…

Kurżitajiet

Fil-Portugall, arkeologi sabu vapur ta’ 400 sena mgħarraq barra l-kosta tal-Portugall, qrib il-kapitali Lisbona. Esperti qed jgħidu li din is-sejba hija l-ikbar l-iskoperta fl-aħħar għaxar snin. Ħwawar, biċċiet taċ-ċeramika, u…

Barranin

Raġel fl-Istati Uniti li ġiegħel lil bintu żgħira tidħol f’magna biex tisraq il-ġugarelli nqabad u tressaq quddiem il-Qorti. Huwa nkixef b’filmat tas-sigurtà li ttella’ fuq il-midja soċjali mill-Pulizija ta’ Salem…

Barranin

Baħħar Indjan spiċċa mitluf f’nofs l-Oċean Indjan midrub serjament wara li d-dgħajsa tiegħu ġarrbet ħsarat kbar waqt maltempata. L-inċident seħħ il-Ġimgħa meta l-baħħar Abhilash Tomy spiċċa 3,200km ‘l barra mill-kosta Awstraljana…

Aktar