Lokali
Pierre Portelli fuq l-attakk, tirreaġixxi r-Repubblika MT, jirreaġixxi Karol Aquilina

Pierre Portelli dar għall-mezzi soċjali u kiteb li l-Membru Parlamentari Nazzjonalista Karol Aquilina akkumpanja lil Manuel Delia l-Qorti fil-każ li għandu kontra l-midja tal-Partit Nazzjonalista.

Dalgħodu fil-qorti kompliet il-kawża li għamel Manuel Delia (Ex Arriva) kontra Net Television. Ma Manuel Delia fl-awla kien hemm id-Deputat 'Nazzjonalista' Karol Aquilina. #noshame

Gepostet von Pierre Portelli am Dienstag, 18. Juni 2019

Ilbieraħ Portelli għamilha ppubblika li rriżenja minn Chairman Eżekuttiv tal-midja tal-Partit. Mal-ġurnalisti lbieraħ wara l-laqgħa tal-Eżekuttiv, Portelli sostna li l-ħidma tiegħu ma tistax iġġib aktar bidliet minħabba l-attakki kostanti u koordinati fuq il-Partit u fuq il-midja tiegħu liema attakki kienu diretti minn uħud mill-Membri Parlamentari Nazzjonalisti.

Huwa wkoll ikkritika lill-Membru Parlamentari Nazzjonalista Jason Azzopardi għall-kitbiet li jikteb fuq il-Facebook. Huwa kkritika wkoll lil Mark Anthony Sammut għall-mod kif tkellem fuq il-midja wara li rriżenja minn President tal-Eżekuttiv. Huwa ħeġġeġ lid-deputati kollha b’mod partikolari lil Jason Azzopardi biex joqogħdu attenti kif jużaw il-Facebook.

Intant l-għaqda Repubblika MT qalet li tinsab imħassba ħafna dwar dawk li jidhru bħala attakki kkordinati u tentattivi biex jintimidaw lill-Membri Parlamentari. Sostniet li d-demokrazija Parlamentari teħtieġ lill-Membri Parlamentari jaħdmu b’mod ħieles mingħajr ebda intimidazzjoni. Saħqet li huma ġew eletti mill-poplu u huma responsabbli lejn in-nies. Qalet li tikkonsidra t-theddid u l-intimidazzjoni indirizzati lejn il-Membri Parlamentari bħala għajb għad-demokrazija.

Intant waqt li kien dieħel fid-Dar Ċentrali, mistoqsi minn TVM dwar l-attakk li għamel fuqu Pierre Portelli, Karol Aquilina qal li għandu dritt ikellem lill-klijenti tiegħu u qal li kien qed ikellem lil Manuel Delia li jirrapreżentah f’kawżi oħra. Żied li s-Sur Portelli messu jgħid li hu ħabib personali ta’  Yorgen Fenech.

 

Aħbarijiet Oħra
Riċerka u Innovazzjoni

Il-Malta Enterprise u ċ-Ċentru dwar ir-Riċerka tal-Kannabis tal-Università McGill iffirmaw ftehim għall-kollaborazzjoni fil-qasam tal-kannabis mediċinali. Il-Malta Enterprise u l-Università McGill tal-Kanada ffirmaw memorandum of understanding għall-kooperazzjoni fil-qasam tar-riċerka dwar il-mediċina…

Qorti

Ċittadin Amerikan li joqgħod tas-Sliema ġie ikkundannat sentejn ħabs sospiżi għal erba’ snin wara li ammetta l-akkużi li għamel b’kemm jiswew €72,000 fi ħsara f’żewġ lukandi f’San Ġiljan u fir-residenza…

Qorti

Il-Qorti Kriminali preseduta mill-Imħallef Edwina Grima ma laqgħetx l-appell tal-Avukat Jean Philippe Chetcuti li kien qed jikkontesta d-deċiżjoni tal-Maġistrat Caroline Farrugia Sacco biex tinfetah inkjesta maġisterjali wara li ftaħar bil-konnessjonijiet…

Lokali

Min-nhar it-Tnejn jibdew is-16-il jum ta’ attiviżmu dwar il-vjolenza domestika b’attivitajiet maħsuba biex il-vjolenza domestika ma tibqax mistura bejn l-erba’ ħitan tad-djar. Għalkemm żdiedu sew ir-rapporti lill-Pulizija u lill-Aġenzija Appoġġ…

Aktar