Ambjent
Pjan biex jitħawlu miljun siġra f’10 snin

Il-Fondazzjoni QLZH qed tippjana li fl-għaxar snin li ġejjin tħawwel miljun siġra fil-gżejjer Maltin fi proġett imsejjaħ ‘Saġġar’ li hu maħsub li jsaħħaħ l-ambjent b’mod sostenibbli għall-ġid tas-soċjetà.

Il-Fondazzjoni QLZH li twaqqfet fil-bidu ta’ din is-sena ser taħdem biex fl-għaxar snin li ġejjin jitħawlu miljun siġra fil-gżejjer Maltin.

L-għan ewlieni tal-Fondazzjoni hija s-sotenibilità tant li ħolqot strateġija li mistennija tkun implimentata billi ħafna nies jaħdmu flimkien.

Il-Fondazzjoni ngħaqdet mal-għaqda mhux governattiva Act biex b’mod sostenibbli timplimenta l-istrateġija tagħha li mistennija ġġib flimkien lil dawk kollha interessati li jagħtu sehemhom biex l-ambjent jingħata spinta ‘l quddiem.

Intqal li wara riċerka li mill-għaqda Act., kien deċiż li s-siġar li se jitħawlu jkunu kollha ta’ orġini Maltija biex dawn ikunu jifilħu għall-elementi klimatiċi tal-gżejjer Maltin u bil-ħsieb li jinħolqu żoni ta’ afforestazzjoni li jdumu għal ħafna snin.

Waqt il-konferenza tal-aħbarijiet, kelliem għall-Fondazzjoni ħeġġeġ lil dawk kollha li jistgħu jgħinu biex din l-inizjattiva ssir realtà għal ġid tas-soċjetà.

Aħbarijiet Oħra
Annimali

Tard dalgħodu nqabad il-ħames qattus mid-dar ta’ Janet Harvey, l-anzjana Ingliża li nstabet mejta fis-sodda tal-appartament tagħha fil-Qawra. Fl-istess appartament mal-mara kien instab ukoll kelb mejjet taħt is-sodda, kif ukoll…

Annimali

Proġett li qed isir mill-Federazzjoni Kaċċaturi Nassaba Konservazzjonisti għandu l-għan li jżid it-tkattir tal-barbaġann fis-selvaġġ. Il-barbaġann huwa tajra tal-priża li sar popolari bħala annimal domestiku, li iżda n-numru tiegħu naqas…

Saħħa

Fuq il-programm TVAM, ġiet diskussa t-tema tal-morning after pill u kif tinbigħ fl-ispiżeriji. Dr Claire Shoemake u Dr John Vella, it-tnejn membri tal-Malta Chamber of Pharmacists, qalu li spiżerija tista’…

Lokali

L-Assocjazzjoni tal-Iżviluppaturi (MDA) sejħet fi stqarrija lill-awtoritajiet biex jiżguraw li ħaddiema ta’ kuntratturi barranin li qed jaħdmu fuq proġetti ta’ kostruzzjoni f’Malta jkollhom drittijiet u kundizzjonijiet tal-ħaddiema Maltin irrispettivament jekk…

Aktar