Lokali
Pjanista żagħżugħa se tirrappreżenta lil Malta fil-Eurovision Young Musicians 2018

Bernice Sammut Attard se tirrappreżenta lil Malta fil-Eurovision Young Musicians li se jsir f’Edinburgu f’Awwissu li ġej. Bernice kienet fost l-4 pjanisti finalisti, 3 tfajliet u ġuvni, li ħadu sehem fl-għażla lokali tal-konkors għall-mużiċisti żgħażagħ u li l-finali tiegħu xxandret l-Erbgħa filgħaxija fuq TVM2.

Fl-ewwel reazzjoni tagħha, Bernice qalet, “Ma stennejtux li se jkun hekk ir-riżultat għaliex kienet kompetizzjoni veru diffiċli. Kburija u ferħana ħafna li se nirrappreżenta lil Malta f’Awwissu li ġej f’Edinburgh. Se nagħmel l-aħjar li nista’ u Malta tkun kburija bija.”

Bernice Sammut Attard għandha 18-il sena u qed tistudja l-pjanu u l-vjolin fl-iskola tal-mużika ta’ Chetham f’Manchester. L-ambizzjoni tagħha hija li tkompli bl-istudji tagħha fil-Konservatorju Rjali tal-Iskozja fi Glasgow. Hija irnexxielha tikseb suċċess f’diversi konkorsi, filwaqt li daqqet fl-Ingilterra, l-Iskozja, Wales, il-Polonja, il-Ġermanja, il-Belġju, l-Olanda u r-Russja.

“Tibżgħux tmorru barra u tagħmlu l-aħjar li tistgħu. Tibżgħux tgħidu li tridu tagħmlu xi ħaġa differenti. Il-mużika mhix xi ħaġa li kulħadd jagħmel u hemm ħafna jemmnu li ma tistax tagħmel karriera bil-mużika, imma min irid u min jaħdem żgur jirnexxielu,” qalet Bernice.

Meta se tikkompeti fil-Eurovision Young Musicians f’Edinburgu, il-pjanista żagħżugħa se ddoqq silta ta’ 18-il minuta waħidha fis-semifinali li fiha se jieħdu sehem mużiċisti minn 18-il pajjiż Ewropew. Għall-finali tat-22 ta’ Awwissu jridu jgħaddu 6 finalisti li jdoqqu silta mużikali akkumpanjati minn orkestra.

Tistgħu ssegwu l-programm li sar fuq TVM2 hawnhekk:

Eurovision Young Musicians

Aħbarijiet Oħra
Lokali

Hekk kif diversi parroċċi qed jiċċelebraw il-festa ta’ San Marija, f’diversi rħula lbieraħ kien hemm wirjiet spettakolari tan-nar. Fl-Imqabba lbieraħ kien hemm spettaklu li paxxa l-għajnejn ta’ dawk li raw…

Edukazzjoni

Żgħażagħ u adolexxenti mis-Salesian Brigade u grupp ta’ żgħażagħ Franċiżi qed jikkampjaw f’ambjent nieqes mill-kumditajiet bil-għan li jitgħallmu affarijiet bażiċi tal-ħajja. F’din l-esperjenza qed ipoġġu fil-prattika t-tagħlim dwar il-ħarsien tal-ambjent…

Ġurnali

Din hija ħarsa ħafifa lejn l-istejjer fuq il-faċċata tal-ġurnali tal-lum l-Erbgħa 15 t’ Awwissu: Il-ġurnali kollha dalgħodu jirrapppurtaw it-traġedja li seħħet ilbieraħ f’Genova l-Italja fejn ċediet parti mill-Pont Morandi li…

Lokali

Il-Partit Nazzjonalista qal li r-reputazzjoni tas-settur tas-servizzi finanzjarji mhix tittieħed bis-serjetà. Fi stqarrija qal li l-iskiet tal-Gvern u l-FIAU dwar kif il-President Veneżwelan u persuni qrib tiegħu allegatament ħaslu b’…

Aktar