Lokali
Il-Pulizija għandha f’idejha lis-suspettat ewlieni bil-qtil tal-bieraħ

Mill-erba’ persuni miżmuma lbieraħ filgħaxija b’rabta mal-isparatura f’Ħ’Attard li ħalliet raġel mejjet u ieħor ferut gravi, il-Pulizija għandha suspett qawwi f’wieħed minnhom.

tvm.com.mt infurmat li dan ir-raqġel qed jitqies bħala s-suspettat ewlieni u qed ikompli jiġi interrogat dalgħodu.

Il-mejjet huwa Lino Mangion ta’ 58 sena, kuġin tal-Imħallef Robert Mangion, li b’kumbinazzjoni kien għadu kemm telaq mingħandu f’Ħ’Attard wara li allegatament mar isewwilu xi ħaġa fid-dar.

Huwa u sejjer lura lejn daru f’Ħal Qormi, Mangion waqaf għand it-tapizzar Raymond Grima ta’ 61 sena biex jagħmel seat ta’ mutur, kif kitbet bintu fuq Facebook. Kien hawn li Mangion inqatel, hekk kif xi ħadd daħal fil-garaxx u spara diversi tiri fuqu u fuq Grima.

Dan is-sit tal-aħbarijiet infurmat li f’dan l-istadju fil-mira tal-qtil jidher li kien hemm it-tapizzar Grima, bil-pulizija qed jistennew li jkellmuh wara li jirkupra mill-operazzjoni.

Ara wkoll:

AĠĠORNAT 2: Il-Pulizija tinterroga 4 persuni minn Ħal Qormi dwar id-delitt ta’ Ħ’Attard

“Lejl sħiħ nistennewk tiġi imma bqajt ma tfaċċajtx” – bint il-Pewx li nqatel ilbieraħ

Aħbarijiet Oħra
Immigrazzjoni

164 pajjiż fosthom Malta iffirmaw dak li qed jissejjaħ Patt Globali dwar l-Immigrazzjoni Ordnata u Regolari. Waqt ċerimonja f’Marrakech fil-Marokk, intqal li dan il-patt se jwassal għall-immaniġġjar aħjar tal-migrazzjoni f’tentattiv…

Lokali

L-iskart organiku li beda jinġabar fl-aħħar xahar u nofs diġà qed jiġġenera l-enerġija daqskemm tintuża minn aktar minn 6,000 familja. Il-Kap Eżekuttiv tal-Wasteserv David Borg qal lil TVM li l-iskema…

Lokali

L-Awditur Ġenerali innota li t-tisħiħ fil-liġi tal-volontarjat li saru din is-sena għandhom isaħħu jdejn il-Kummissarju tal-Volontarjat fil-funzjoni regolatorja u l-governanza fis-settur tal-volontarjat. F’rapport li ppreżenta lill-Parlament, l-Awditur Generali Charles Deguara…

Lokali

Għalkemm qed ngħixu f’dinja li saret raħal u miżgħud b’mezzi teknoloġiċi, qed tikber il-pjaga tas-solitudni u magħha l-esklużjoni soċjali. Il-problema tinħass fil-faxex kollha tas-soċjetà, mit-tfal sal-anzjani u taf tiggrava fiż-żminijiet…

Aktar