Unjoni Ewropea
Politico jagħżel lil Miriam Dalli bħala waħda mill-MEPs li għamlet differenza

L-Ewroparlamentari Miriam Dalli hija fost l-40 persuna li skont Politico għamlu differenza tul dawn l-aħħar ħames snin.

Miriam Dalli hija l-unika Maltija li tinsab f’din il-lista. Politico elenka ħidmet Dalli fosthom fl-oqsma tal-klima, ambjent u migrazzjoni. Isemmi li Miriam Dalli kienet kruċjali biex jonqsu l-emissjonijiet tal-gassijiet mill-vetturi. Jgħid li f’ħidmietha, Miriam Dalli rat opportunità biex tindirizza l-ambjent, it-tibdil fil-klima, is-saħħa respiratorja, l-innovazzjoni fil-manifattura, opportunitajiet ta’ xogħol u vantaġġi għal konsumaturi.

Hija ħadmet ukoll fil-qasam tal-immigrazzjoni fosthom fuq liġi li tirregola fond ta’ €10.4 biljun u li se jagħmlu użu minnu l-pajjiżi kollha tal-Unjoni Ewropea. Miriam Dalli mbuttat biex bħala wieħed mill-prijoritajiet, dan il-fond jindirizza s-solidarjetà bil-fatti biex pajjiżi bħal Malta ma jitħallewx waħedhom.

B’reazzjoni, fi stqarrija, Miriam Dalli qalet li dan huwa messaġġ ċar li l-Ewroparlamentari Maltin jistgħu jagħmlu differenza. Qalet li irrispettivament minn liema pajjiż ikunu, meta jkollhom l-perseveranza u d-determinazzjoni jistgħu jagħmlu bidla pożittiva.

Stqarret li tul dawn il-ħames snin ħadmet biex twettaq dak li temmen fih. Qalet li kien hemm negozjati diffiċli iżda ħadmet biex tgħaqqad flimkien pożizzjonijiet differenti. Saħqet li għamlet dan għax temmen fil-bidla.

Miriam Dalli ġiet eletta għall-ewwel darba fl-2014 f’isem il-Partit Laburista. Hi ġiet identifikata fost total ta’ 751 Membru Parlamentari Ewropew. Id-39 persuna oħra ġejjin minn 18-il pajjiż differenti u tinkludi persuni li llum il-ġurnata għandhom rwoli importanti f’pajjiżhom.

Aħbarijiet Oħra
Lokali

Il-gvern ħabbar il-ftuħ tal-istaġun tal-insib tal-ħarifa għal żewġ speċi: il-pluviera u l-malvizz. Fi stqarrija tas-Segretarjat Parlamentari għall-Biedja, Sajd u Drittijiet tal-Annimali ntqal li wara li evalwa r-rakkomandazzjonijiet tal-kumitat Ornis, l-istaġun…

Sport

Fit-tielet logħba tagħhom fil-Kampjonat tal-Amateurs, it-tim ta’ Syria Gżira FC kiseb l-ewwel rebħa bl-iskor ta’ 3-1 kontra Fleur De Lys FC. Il-player Lucky Chizobor skurja żewġ gowls filwaqt li Julius…

Saħħa

Ilbieraħ filgħaxija għadd ta’ nies nġabru quddiem iċ-Ċentru Esplora fil-Kalkara għal mixja simbolika bħala parti mix-xahar iddedikat għall-għarfien dwar il-kanċer tas-sider, magħruf bħala Pink October. Din is-sena n-nisa u l-irġiel…

Brexit

Tkompli s-saga Brexit. L-istrateġija tal-Prim Ministru Boris Johnson, li kien qed jippretendi li l-House of Commons japprovalu l-ftehim il-ġdid li rnexxielu jinnegozja mal-Unjoni Ewropea, sfaxxat fix-xejn. Dan hekk kif il-Parlament, minflok,…

Aktar