Politika Lokali
“Post Simon Busuttil mhux fil-Parlament” – il-PL

Il-Ministru għall-Ġustizzja Owen Bonnici qal li mill-konklużjonijiet tal-inkjesta tal-Maġistrat Aaron Bugeja dwar il-kumpanija Egrant l-aktar ħaġa xokkanti hi kif xi ħadd b’mod deliberat u ppjanat iffalsifika dokumenti bil-għan li jagħmel frame-up fuq xi ħadd innoċenti li huma l-Prim Ministru u l-familja tiegħu.

F’konferenza tal-aħbarijiet, Dr Bonnici u d-Deputat Laburista Dr Stefan Zrinzo Azzopardi qalu li l-konklużjonijiet tal-inkjesta juru li din ma kinitx sempliċiment gidba u sejħu lid-Deputat Nazzjonalista, Simon Busuttil biex jekk għandu farka ta’ diċenza politika jitlaq minn kull kariga u jirriżenja. Il-kelliema tal-Partit Laburista qalu li l-gidba spiċċat tkisser lil min qalha u l-unika triq għal Dr Busuttil hija waħda, barra.
Il-Ministru Bonnici qal li f’din il-kwistjoni rajna standards li qatt ma rajna bħalhom qabel u l-Prim Ministru ta’ eżempju ċar ta’ kif f’pajjiżna hawn is-saltna tad-dritt u li din għadha b’saħħitha ħafna.
Dr Zrinzo Azzopardi qal li wara 15-il xahar ta’ stennija, ilbieraħ Malta qamet għall-verità u ħareġ ċar li l-kampanja li l-Partit Nazzjonalista bena l-aħħar kampanja elettorali fuqha kienet konfoffa sħiħa biex xi ħadd jaħtaf il-poter.
Aħbarijiet Oħra
Edukazzjoni

Il-Fondazzjoni President’s Trust kompliet tqassam tagħmir lil tfal li għandhom diffikultà bil-vista biex tgħinnhom fil-mixja edukattiva tagħhom. B’kollox il-fondazzjoni qassmet b’kemm jiswa €150,000 f’tagħmir tal-informatika lil 65 tifel u tifla….

Saħħa

L-Alleanza Nazzjonali għall-Mard Rari bħalissa għandha 200 membru li għandhom marda rari. Dan qalitu ċ-Chairperson u Fundatriċi tal-Alleanza, Michelle Muscat, meta tkellmet f’attività fl-okkażjoni tat-tielet sena mit-twaqqif ta’ din l-għaqda…

Xogħol

Il-General Workers Union qed issejjaħ għal emendi fil-liġi tax-xogħol biex il-prinċipju ta’ ħlas ugwali għall-istess xogħol jitwessa’ u jkopri lill-ħaddiema kollha li jaħdmu f’azjenda, inkluż dawk li m’humiex f’impjieg dirett…

Aktar