COVID-19
Prof Gauci tispjega għalfejn tpoġġew is-sodod fl-università

Wara l-aħbar ta’ jumejn ilu, fejn għadd ta’ swali fl-Università ta’ Malta ġew mibdula fi swali ta’ sptar, ħafna staqsew għalfejn qed jiżdiedu s-sodod meta l-ammont ta’ każijiet ta’ Covid-19 f’Malta għadu stabbli.

Is-Supretendent tas-Saħħa, Charmaine Gauci, spjegat li mill-bidu l-awtoritajiet riedu li jkunu pprerparati għall-massimu ta’ pazjenti li jifilħu jieħdu, biex jekk jiżdiedu l-każijiet ikollna s-sodod li hemm bżonn.

Qalet li anki jekk is-sitwazzjoni qegħda taħt kontoll, ma nistgħux nintelqu u ngħidu li qegħdin tajjeb, iżda rridu nibqgħu nħejju għal kull eventwalità.

Fakkret li kif jasal Ottubru jibda jkollna l-influwenza, fejn jiżdiedu n-nies li jkollhom bżonn jidħlu l-isptar, u għalhekk jekk ikun hemm pazjenti tal-influwenza u pazjenti bil-Covid-19 f’daqqa jaf ikun hemm domanda għal iktar sodod.

Ara wkoll:

3 każijiet ġodda ta’ Covid-19 f’Malta, anzjan ħareġ mill-ITU