Lokali
Proġett pilota għall-kameras tas-sigurtà għall-anzjani

Is-Segretarjat Parlamentari għall-Anzjanità Attiva beda proġett pilota maħsub biex jagħti serħan tal-moħħ akbar lill-anzjani fid-djar residenzjali biex b’aktar sigurtà jkunu jistgħu jindukraw flushom u l-oġġetti prezzjużi tagħhom u b’hekk jonqos każi allegati ta’ serq ta’ dawn l-oġġetti.

Anzjani li jgħixu fid-djar tal-anzjani stqarrew li jħossu nuqqas ta’ sigurtà għall-oggetti prezzjużi tagħhom bħal flus, deheb u affarijiet sentimentali. Dan ħareġ li sar mill-Università s-sena li għaddiet fost l-anzjani fid-djar residenzali kif ukoll minn rapporti li l-awtoritajiet jirċievu mill-anzjani infushom kif ikkonferma id-direttur tad-dipartiment tal-anzjanità attiva Patrick Vella.

Patrick Vella qal “alleggazzjonijiet dejjem ikun hemm ġieli jkunu vera ġieli jkunu le, ttieħedet din l-inizjattiva biex l-anzjan ikollu moħħu mistrieħ għall-affarijiet prezzjużi”.

Għal dan il-għan is-Segretarjat Parlamentari għall-Anzjanità Attiva beda jindirizza din il-problema bi proġett pilota fid-dar tal-anzjani tal-Floriana b’ħamsin ‘safe’ fejn l-anzjani jistgħu jżommu maqfula l-oġġetti prezzjużi tagħhom. Barra minn hekk, sar ukoll investiment fil-kameras tas-sigurtà għall-kurituri tad-dar u fuq barra.

Is-Segretarju Parlamentari għall-Anzjanità Attiva Anthony Agius Decelis qal li l-ħsieb hu li mat-3,000 anzjan li jgħixu fid-djar residenzjali jiġu offruti safe kull wieħed. Qal li f’kull dar se jsiru kameras tas-sigurtà, biex f’każ li jiġi rrapurtat xi serq, tiġi ffaċilitata l-investigazzjoni tal-każ.

Aħbarijiet Oħra
Xogħol

L-iskema ta’ xogħol fil-komunità li bdiet fl-2016 kienet taħt il-lenti tal-Awditur Ġenerali li f’rapport li ippreżenta lill-Ispeaker ta ċertifikat pjuttost tajjeb lill-iskema għalkemm iħeġġeġ lill-entitajiet governattivi involuti biex itejjbu l-moniteraġġ…

Ambjent

Malta, flimkien ma’ 8 pajjiżi oħra tal-Unjoni Ewropea u żewġ stati assoċjati, se tkun qed tnaddaf il-bajjiet tagħha f’dak li dak jissejjaħ bħala l-Blue Mediterranean Clean-Up Week. Fl-ewwel ġimgħa ta’…

Blockchain

Erba’ xhur wara li Malta saret l-ewwel pajjiż fid-dinja li użat is-sistema tal-blockchain fil-ħruġ taċ-ċertifikati għall-istudenti, it-teknoloġija tal-blockchain se tibda tintuża għal kuntratti tal-kirjiet, meta fil-jiem li ġejjin se tkun…

Qorti

Il-Pulizija ressqet il-Qorti żagħżugħ u xlietu li bejn Frar u Mejju wettaq ħames serqiet ta’ flus u ġojjelli minn residenzi fl-Imsida u San Pawl il-Baħar. Aliosha Emnadze, Ġorġjan ta’ 24…

Aktar