Lokali
Proposti proċeduri dwar ir-rapporti ta’ impatt soċjali fl-ippjanar ta’ proġetti u policies ġodda

L-Awtorità tal-Ippjanar qed tipproponi l-proċeduri li għandhom jintużaw f’rapporti ta’ impatt soċjali (social impact assessments – SIA) biex isiru bħala rekwiżit fis-sistema tal-ippjanar.

Rapporti ta’ din ix-xorta għadhom fi stadju bikri f’Malta, bl-Awtorità qed timmira li permezz ta’ dan id-dokument tintroduċi proċeduri u termini ta’ referenza bi tħejjija għal SIAs li se jsiru fil-futur.  S’issa, l-SIAs huma obbligati li jsiru f’każ ta’ proġetti proposti għal bini għoli.

L-SIAs janalizzaw x’impatti pożittivi u negattivi jkollhom fuq in-nies meta jiġu proposti proġetti ġodda jew policies ġodda.  Dan sabiex jitnaqqsu l-impatti negattivi filwaqt li jiġu identifikati opportunitajiet għall-benefiċċju tal-komunità u s-soċjetà in ġenerali.

Fost il-proposti f’dan ir-rigward, l-Awtorità qed tirrakkomanda li meta jitfasslu pjani jew policies il-Kunsill Eżekuttiv janalizza każ b’każ il-ħtieġa ta’ SIA.  Għall-applikazzjonijiet tal-iżvilupp, l-Awtorità qed tgħid li l-SIA għandu jsir obbligatorju meta jkun hemm pjan jew policy li titlob għal dat-tip ta’ rapport.  L-Awtorità qed tipproponi wkoll li l-SIAs għandhom jiġu ppubblikati kollha.

Il-proċeduri proposti jistgħu jitniżżlu mis-sit elettroniku tal-Awtorità tal-Ippjanar li hija pa.org.mt.  Il-pubbliku huwa mistieden li jibgħat il-kummenti u r-rispons lill-Awtorità b’email fuq [email protected] sat-28 ta’ Ġunju li ġej.

Aħbarijiet Oħra
Budget

Il-Prim Ministru Joseph Muscat qal li r-regoli Ewropej ma jippermettux lil Malta biex tagħmel kontrolli estensivi fil-fruntiera. Huwa rrikonoxxa l-kompetizzjoni inġusta li qed jesperjenzaw in-negozji ż-żgħar minħabba kuntrabandu li jidħol…

Immigrazzjoni

Il-vapur Ocean Viking, operat mill-għaqdiet mhux governattivi SOS Medieranee u Medecins Sans Frontieres, salva 36 immigrant ieħor minn fuq dgħajsa tal-injam li kienet f’diffikultà fl-ibħra Maltin. Kelliema għall-Forzi Armati qalet…

Qorti

Immigrant żagħżugħ ta’ 16-il sena li gidem uffiċjal tad-detenzjoni hekk kif prova jaħrab miċ-ċentru ta’ detenzjoni f’Ħal Safi jumejn ilu baqa’ miżmum arrestat. Iż-żagħżugħ irnexxielu jiddendel mal-fence taċ-ċentru tad-detenzjoni u…

Kostruzzjoni

Il-President tal-għaqda tal-iżvilupatturi Sandro Chetcuti ikkundana mingħajr tlaqliq ir-rimi ta’ skart tal-kostruzzjoni f’ambjent naturali u fil-wied tal-Imġarr. Huwa qal li l-MDA għandha ħjiel ta’ minn rema l-iskart tal-kostruzzjoni f’wied fl-Imġarr…

Aktar