Barranin
Protesta fi Franza kontra l-IVF għal nisa omosesswali

Eluf niżlu fit-toroq tal-kapitali Franċiża bi protesta kontra l-liġi li tippermetti nisa waħedhom u koppji lesbjani li jkollhom aċċess għal trattament ta’ fertilità.

Jekk tgħaddi, din il-liġi l-ġdida tkun l-ewwel riforma soċjali b’saħħitha fi Franza mil-legalizzazzjoni taż-żwieġ bejn koppji tal-istess sess fl-2013. Sal-lum, it-trattament tal-IVF fi Franza jsir biss għal koppji eterosesswali.

L-abbozz ta’ liġi mistenni jiġi ppreżentat fis-Senat aktar tard dan ix-xahar. F’din il-liġi qed ikun propost li nisa ta’ taħt it-43 sena jkollhom aċċess għat-trattament tal-IVF, irrispettivament mill-orjentazzjoni sesswali jew jekk humiex f’relazzjoni.

Qed ikun propost ukoll li meta jagħlqu 18-il sena, il-persuni mwielda b’donazzjoni tal-isperma jkunu jistgħu jfittxu lil missier naturali.

L-istħarriġ tal-opinjoni pubblika jindika li żewġ terzi tal-Franċiżi huma favur din il-liġi.

Aħbarijiet Oħra
Barranin

Raġel fit-Tramuntana tal-Indja spiċċa bla kliem meta mar jidfen lil bintu u sab tarbija midfuna ħajja. Ir-raġel kien qed iħaffer il-qabar ta’ bintu li twieldet mejta meta sema’ għajta ta’…

Barranin

Ir-Russja qalet li mhix se tippermetti kunflitti bejn il-forzi Torok u Sirjani. Dan hekk kif issuktat l-offensiva mill-armata Torka fit-tramuntana tas-Sirja. Osservaturi qalu li l-irtirar tat-truppi tal-istati Uniti mir-reġjun, li…

Barranin

5 nisa Franċiżi weħlu bejn 5 snin u 30 sena ħabs wara li nstabu ħatja li ppruvaw iqabbdu ”bomba” f’karozza ħdejn il-Katedral ta’ Notre Dame, f’Pariġi. Il-każ imur lura għall-2016…

Barranin

Minn tal-inqas 14-il pulizija nqatlu u tlieta oħra ndarbu f’attakk għall-għarrieda fil-punent ta’ Messiku. Il-pulizija kienu qed iġorru ordni tal-Qorti f’El Aguaje, meta l-konvoj safa’ attakkat. Rapporti qed jgħidu li…

Aktar