Reliġjon
Qasmu l-iftar flimkien

Il-President George Vella u martu kienu l-mistiedna speċjali tal-komunità Musulmana f’Malta għall-ikla tal-iftar li sseħħ waqt ix-xahar tar-Ramadan.

Bit-tema tar-Ramadan, il-Paċi u l-kunċett ta’ sawm fir-reliġjonijiet, il-President ingħaqad flimkien mal-komunità u mistiedna distinti oħrajn fejn ġiet diskussa l-importanza tas-sawm u l-iftar li fl-aħħar tal-ġurnata tgħaqqad u tiġbor il-komunitajiet flimkien għall-pranzu .

Il-President Vella qal li hemm bżonn akbar ta’ armonija u djalogu bejn is-soċjetajiet ta’ twemmin differenti filwaqt li faħħar lil Ahmadiyya Muslim Jamaat tal-inizjattiva inklussiva.

Dan l-avveniment sar bl-iskop biex titqajjem aktar kuxjenza u jitwassal aktar għarfien dwar it-twemmin u t-tradizzjonijiet Musulmani.

Preżenti għall-avveniment kien hemm rappreżentanti ta’ kull reliġjon.

Aħbarijiet Oħra

Min jitlef kartiera bil-flus fiha, normalent iroddilha salib, għax spiss jispiċċa ma jarahiex iktar, inkella tasal lura mbattla mill-flus. Ikun hemm ukoll, iżda, każijiet fejn il-kartiera tinstab minn ruħ tajba,…

Bjorn Formosa qal li lanqas irid jemmen li wasal il-jum li fih għandha tagħti l-frott il-ħidma intensiva tal-aħħar xhur billi jinġabru fondi għal Dar Bjorn ikbar. Tard ilbieraħ Bjorn għamel…

Aktar