Lokali
Qed issir tindifa tajba lill-bajjiet qabel jibda s-sajf

Id-Diviżjoni għat-Tindif u Manutenzjoni ta’ kull sena tara li l-infrastruttura tal-għamara tal-baħar tkun dejjem adekwata u sigura għall-użu tal-pubbliku.

Id-diviżjoni ta’ kull sena tieħu l-inizjattiva biex tara kif il-pubbliku jista’ jingħata servizz mill-aqwa u prodott aħjar għalhekk kull sena jitwaħħlu iktar minn 340 sellum, 30 tapit ta’ decking, 8 bridges li jwasslu lill-għawwiema dirett fil-baħar u jitwaħħlu wkoll iktar minn 1,000 kontenitur tal-iskart.

Il-Ministru Owen Bonnici faħħar ix-xogħol li tagħmel din id-Diviżjoni biex iżżomm il-bajjiet nodfa u fi stat tajjeb.  Qal li x-xogħlijiet ta’ manutenzjoni jsiru matul is-sena kollha, b’seba’ impjegati jirranġaw u jagħmlu dawn il-faċilitajiet li jitneħħew fix-xhur mhux tas-sajf għall-manutenzjoni annwali tagħhom.

Is-Segretarju Parlamentari Deo Debattista fakkar kif il-maltempata li ħakmet lil pajjiżna fi Frar ta’ din is-sena, kkawżat diversi ħsarat matul il-kosta Maltija bl-ispiża laħqet l-€40,000.  Qal li ġew immanifatturati 150 sellum, 80 hand rail u iktar minn 100 bracket ġdida li magħhom se jitwaħħlu l-kontenituri tal-iskart.

Id-Direttur Ġenerali responsabbli mid-Diviżjoni għat-Tindif u Manutenzjoni Ramon Deguara fakkar biex il-pubbliku u kull min jiltaqa’ mal-bżonn li jirraporta każijiet ta’ skart illegali jċempel fuq 1718 jew juża il-mobile app ‘Clean and Upkeep’.

Aħbarijiet Oħra
Lokali

Matul il-maratona ta’ 60 siegħa futbol u volleyball inġabru €1,688,209 b’risq Puttinu Cares. Kienu bosta li matul tmiem il-ġimgħa li għadda marru sal-Marsa Sports Ground, b’uħud ipparteċipaw f’xi logħba u…

Kisbiet

Il-karozzi Bentley u Rolls Royce huma distintivi u magħrufa għal-lussu. Kristian Cini għad għandu sbatax-il sena, iżda għalkemm għad m’għandux l-età biex isuq, huwa dilettant kbir tal-karozzi Bentley u Rolls-Royce….

Sajd

Idejh jafu jinsġu l-qasab għan-nases, anke b’għajnejh magħluqa. Bis-sengħa tan-nases fid-demm, Ġanni Xuereb, magħruf bħala Ġanni l-Pipi, illum jgħodd iktar minn 80 sena, u għadu ma telaqx in-namra max-xogħol tiegħu, …

Aktar