Lokali
Qed jiġu studjati l-fdalijiet arkeoloġiċi li nstabu waqt l-iskavar għall-proġett tal-mini f’Santa Luċija

Il-fdalijiet arkeoloġiċi li nstabu waqt l-iskavar għall-proġett tal-mini f’Santa Luċija, qegħdin jiġu studjati mill-arkeologi, waqt li x-xogħlijiet fuq il-proġett komplew mingħajr ma affetwaw dawn is-sejbiet.  Is-supretendent tas-sovraintendenza tal-patrimonju Kulturali Joe Magro Conti, qal lil TVM li dawn is-sejbiet huma ta’ oqbra u sistemi agrikoli u saħaq li x-xogħol min Infrastruttura Malta fiż-żona qiegħed isir b’konsultazzjoni mas-sovraintendenza.

L-oqbra u sistemi agrikoli possibilment tal-perjodu puniku ta’ żmien ir-Rumani li nstabu waqt l-iskavar għall-proġett tal-mini f’Santa Luċija waqt li qed jigu studjati bir-reqqa, mhux qegħdin itelfu r-ritmu tal-proġett.

L-Għaqda Save Santa Lucia Open Spaces Network sejħet biex jieqfu x-xogħlijiet sakemm isiru l-investigazzjonijiet arkeoloġiċi.

Mill-banda l-oħra, il-Perit tal-proġett Raphael Abdilla u s-Supretendent tas-Sovraintendenza tal-Patrimonju Kulturali, Joe Magro Conti, spjegaw li x-xogħlijiet qed ikomplu wara li saru bidliet u qed jaħdmu id f’id biex ma ssirx ħsara li dawn is-sejbiet.

Il-Perit Raphael Abdilla qal li tibdiliet li saru huma fir-rotta tas-servizzi bħal cables tad-dawl li ser jgħaddu min taħt l-art u ser jintuzaw inġenji biex ma ssirx ħsara lis-sit arkeoloġiku.

Is-sur Magro Conti qal li dik li tidher li hija sistema agrikola qed tiġi skavata bl-idejn taħt is-superviżjoni tal-arkeoloġi, l-istudju fuq l-oqbra ser jieħu iżjed żmien.

Is-supredendent għall-Patrimonju Kulturali, qal li waqt li tagħmel l-almu tagħha biex tipproteġi il-wirt kulturali, s-sovraintendenza tipprova ssib bilanċ bejn il-patrimonju u l-iżvilupp li l-pajjiż għandu bżonn.

Aħbarijiet Oħra
Politika

Is-Servizz tas-Sigurtà Malti għandu taqsima apposta dedikata għall-ġbir ta’ informazzjoni rilevanti għall-investigazzjonijiet dwar il-qtil ta’ Daphne Caruana Galizia. Dan joħroġ mir-rapport annwali tal-Kumitat Nazzjonali tas-Sigurtà għas-sena li għaddiet fejn jingħad…

Teknoloġija

Il-kumpanija tat-telekomunikazzjoni Melita nediet ċentru ġdid tad-data kif ukoll pjattaforma tal-Internet of things. Permezz ta’ din it-teknoloġija, numru ta’ oġġetti fid-dar jistgħu jiġu mqabbda mal-internet biex jiġu kkontrollati minn fuq…

Politika

Fil-Belt l-għaqdiet Repubblika u Occupy Justice organizzaw protesta fejn talbu li l-parlamentari jwarrbu lil Joseph Muscat minn Prim Ministru, jekk dan ma jirriżenjax minn jeddu.  Qalu li l-Prim Ministru missu…

Lokali

Għall-ewwel darba, l-Ungerija għandha preżenza diplomatika permanenti f’Malta permezz ta’ konsolat fil-Belt Valletta. Fl-inawgurazzjoni, il-Ministru tal-Affarijiet Barranin u l-Kummerċ tal-Ungerija qal li pajjiżu qed jappoġġja l-kandidatura ta’ Malta biex tiġi…

Aktar