Barranin
“Qed naraw differenza kbira bejn dawk li għandhom il-flus u dawk le” – Maltija fi Franza

Fi Franza komplew il-protesti dwar l-għoli tal-ħajja mid-demostranti tal-ġakketta safra li qed jitolbu żieda fil-paga, tnaqqis fit-taxxa, pensjonijiet aħjar, anqas rekwiżiti tal-Università u r-riżenja tal-President Emanuel Macron.

Il-Pulizija ta’ kontra l-irvellijiet kellhom jerġgħu jużaw il-gass tad-dmugħ biex jikkontrolla l-atteġġjament vjolenti ta’ folla ta’ madwar 5,000 persuna li nġabret fiċ-ċentru tal-Belt Kapitali Pariġi. Il-Pulizija arrestat mill-anqas 272 persuna.

Aktar minn 8,000 Pulizija u tnax il-vettura militari jinsabu f’Pariġi filwaqt li mad-90,000 aġent tas-sigurtà huma mferrxa mal-pajjiż kollu fejn qed jingħad li aktar minn 31,000 persuna ħadu sehem fi protesti f’diversi postijiet fosthom Lyon, Marseille u Grenoble. Is-sitwazzjoni qaflet ħafna nies id-dar fosthom il-Matija Helen Mamo Gharbi li ilha tgħix Pariġi 32 sena. Qalet li s-sitwazzjoni hija diffiċli tant li l-Pulizija ħarġet ordni ta’ protezzjoni.

Helen Mamo Gharbi qalet “ħadd mhu qed joħroġ barra, kulħadd qiegħed id-dar, ħarġu ordnijiet mill-Pulizija biex ma mmorrux il-postijiet fiċ-ċentru bħal Avenue de Washington. Il-mużewjiet kollha magħluqin u l-ħwienet ħadd ma jista’ jmur imkien għax it-tubes u l-istations ħafna minnhom magħluqin għax bħalissa qed jinħarqu ħafna karozzi, ħwienet jitkissru, qalgħu t-toroq u sal-lejla aktar ser tiħrax.”

Mamo Gharbi qalet li l-ħaddiema qed jaqilgħu u jikluha.

“Issa qed naraw differenza kbira bejn in-nies li għandhom il-flus u dawk li ma għandhomx. Meta ġejt hawnhekk kulħadd kien l-istess kulħadd jista’ jonfoq, kien hawn għall-fqir u kien hawn għas-sinjur issa l-ħajja tant saret għolja, that we see a lot more people poorer than before.”

Il-Gvern Franċiż ħabbar lit-taxxa fuq il-fuels mhix ser tidħol fis-seħħ u tħabbar ukoll iffriżar fuq il-prezzijiet tal-elettriku u tal-gass sas-sena d-dieħla. Il-kritiċi qed isejħu lil Emanuel Macron president tas-sinjuri. Qed jingħad li huwa qed jipprepara biex il-ġimgha d-dieħla jindirizza n-nazzjon dwar il-kriżi.

Aħbarijiet Oħra
Ambjent

Il-Wasteserv bdiet il-proċess biex tkabbar il-faċilitajiet tagħha fil-Magħtab. Madwar għoxrin bidwi fl-inħawi li bejniethom għandhom madwar 250,000 metru kwadru ta’ raba’ ġew infurmati li l-Wasteserv qed tikkunsidra li tespropja din…

Kronaka

Raġel ta’ nazzjonalità barranija ġie arrestat wara li allegatament saq fuq uffiċjal tal-pulizija. L-inċident seħħ għall-ħabta tas-17:30 fl-akkwati ta’ Buġibba u ġie arrestat ftit tal-ħin wara fil-Mellieħa. Aktar dettalji fil-ħin…

Lokali

Il-kumpanija Steward Health Care Malta ppreżentat lill-Awtorita tal-Ippjanar applikazzjoni ta’ żvilupp għall-Isptar San Luqa biex fi kliemha jerġa’ jingħata l-ħajja bħala sptar modern li jinkludi aċċessibiltà aħjar għall-ispazji miftuħin u…

Għawdex

Għadha attiva ħafna fuq l-aġenda tal-gvern l-idea li Malta jkollha sistema ta’ metro, tant li l-Ministru Ian Borg ikkonferma ma’ TVM li l-istudju dwar dan jinsab fl-aħħar fażi tiegħu u…

Aktar