Reliġjon
Qorti Awstraljana tannula sentenza li sabet l-eks Arċisqof Wilson ħati li ħeba abbużi sesswali fuq tfal

Il-Qorti tal-Appell annulat is-sentenza li fiha l-eks Arċisqof fl-Awstralja, Philip Willson ta’ 68 sena kien instab ħati li ħeba abbuż tat-tfal.

L-Imħallef Ellis fi New South Wales qal li hemm diversi dubji dwar is-sentenza li fiha Willson kien instab ħati li ħeba każ ta’ abbuż sesswali li seħħ fis-snin sebgħin.

Wilson huwa l-aktar kleriku anzjan li s’issa nstab ħati ta’ dawn l-akkużi li jinvolvi abbatini li kienu qed iservu lill-Knisja fi New South Wales. Dawn it-tfal kienu abbużati minn qassis li kien kollega tal-Arċisqof Wilson, James Fletcher li kien instab ħati li abbuża minn 9 itfal, fis-sena 2004 u miet fil-ħabs sentejn wara.

Min-naħa tiegħu, Wilson dejjem ċaħad li kien jaf li Fletcher abbuża mit-tfal.  Huwa appella mis-sentenza li ngħatat f’Mejju li għadda.

Fis-smigħ li fih kien instab ħati, il-Maġistrat Robert Stone kien qal li Wilson baqa’ sieket biex jipproteġi r-reputazzjoni tal-Knisja. Madankollu l-Imħallef Ellis qal li Wilson kien onest u konsistenti f’dak li qal.

Wilson kien irriżenja minn Arċisqof f’Lulju li għadda.

Ara wkoll:

AĠĠORNAT: Il-Qorti ssib l-Arċisqof Wilson ħati li ħeba abbużi sesswali fuq tfal

Aħbarijiet Oħra
Barranin

Il-kittieb Sqalli, Andrea Camilleri, miet fl-età ta’ 93 kmieni dalgħodu. Camilleri, li kien magħruf għall-kotba tiegħu tal-Kummissarju Montalbano, miet fl-isptar fejn kien rikoverat wara li kien sofra minn attakk tal-qalb…

Unjoni Ewropea

Il-Parlament Ewropew għadu kif approva n-nomina tal-Ġermaniża, Ursula von der Leyen bħala President tal-Kummissjoni Ewropea għall-ħames snin li ġejjin. Kif mistenni qabel il-vot tal-lejla, il-Parlament kien maqsum fuq in-nomina tagħha…

Barranin

L-għaqda bejn l-istati membri u t-tħaddin tal-valuri Ewropej kienu fil-qofol tal-viżjoni li l-Ġermaniża Ursula von der Leyen ppreżentat lill-Parlament Ewropew. F’diskors ta’ madwar nofs siegħa li matulu osservaturi qalu li…

Barranin

Kemm-il darba smajna li ġew arrestati wara li nqabdu li ħbew id-droga xi mkien. Kienu l-ħafna l-moħbiet li smajna bihom iżda din taf tissorprendi lil bosta. Raġel fi Spanja ġie…

Aktar