Kronaka
Qraba tal-carer sospiż imnikkta – jinsistu li l-anzjan ħabat wiċċu mas-sodda meta kien se jaqa’

Wara li carer f’San Vincenz se Paule ġie sospiż fuq allegazzjonijiet li abbuża anzjan, qraba tal-carer tkellmu ma’ TVM dwar dak li jinsistu li seħħ dakinhar, kif ukoll it-tbatija li għaddejjin minnha fuq allegazzjonijiet li jgħidu li huma għal kollox foloz.

Kollox beda minn ritratt li ttella’ fuq il-midja soċjali, li kien juri anzjan b’feriti fuq naħa waħda ta’ wiċċu. Il-persuni li tellgħu r-ritratt insinwaw li dan kien każ t’abbuż li seħħ f’San Vincenz.

Viżibbilment imbikkma, membru tal-familja tal-carer qalet li l-affarijiet ġraw l-oppost ta’ dak li ġie allegat. Qalet li dan kien inċident sfortunat, fejn il-carer kien jinsab waħdu qed ipoġġi lill-anzjan fis-sodda, meta llarga għal ftit biex idur b’pazjent ieħor. Sadanittant l-anzjan iċċaqlaq u kien se jaqa’ mis-sodda, bil-carer jiġri lejh u jaħtfu biex ma jaqax mal-art. Ġara iżda li l-anzjan laħaq ħabat wiċċu mal-barriers tas-sodda.

Din il-persuna saħqet li l-anzjan lanqas biss jitkellem u allura żgur ma kienx hu li għamel allegazzjonijiet foloz. Qalet li l-carer, minkejja li għaddej minn żmien ikrah u lanqas biss qed jiekol, qiegħed kontinwament jistaqsi biex jara kif għadda l-anzjan wara l-ġrieħi li sofra.

Żiedet tgħid li l-carer ilu ħames snin jaħdem f’dan il-post, u li ġieli saħansitra jibqa’ wara l-ħin tax-xogħol biex jgħin b’mod volontarju.

L-istess persuna qalet li l-familja tal-carer tinsab ixxukkjata bil-kummenti kiefra li saru fil-konfront tiegħu, tant li l-carer u s-sieħba tiegħu, li għandha seba’ xhur tqala, ħassru l-profil ta’ Facbook fuq parir tal-Pulizija biex jevitaw li jkunu vittmi ta’ bullying u vendikazzjonjiet.

Din il-persuna esprimiet ukoll dispjaċir għan-nuqqas ta’ kameras tas-sigurtà fis-swali, u sostniet li kieku dawn kienu preżenti bħal ma jkunu f’postijiet oħra bħal playschools, dan il-carer ma kienx jiġi sospiż intortament.

TVM tkellem ukoll ma’ membru tal-familja tal-anzjan, li qalet li ma jixtiqux jikkummentaw waqt li għadha għaddejja l-investigazzjoni. Sostniet li tixtieq biss li ssir ġustizzja.

Intant, kelliem għas-Segretarjat Parlamentari għall-Anzjanità Attiva qalet li l-anzjan se jiġi rilaxxat minn Mater Dei iktar tard illum, u se jkun qed jirritorna fir-residenza San Vincenz de Paule.

Ara wkoll:

Carer sospiż wara allegat abbuż fuq anzjan

Aħbarijiet Oħra
Sajd

Idejh jafu jinsġu l-qasab għan-nases, anke b’għajnejh magħluqa. Bis-sengħa tan-nases fid-demm, Ġanni Xuereb, magħruf bħala Ġanni l-Pipi, illum jgħodd iktar minn 80 sena, u għadu ma telaqx in-namra max-xogħol tiegħu, …

Edukazzjoni

Is-sajf wasal biex jintemm u dħalna fl-aħħar ġimgħa qabel ma jerġgħu jibdew l-iskejjel. Iżda x’inhuma s-sentimenti tal-ġenituri u l-istudenti dwar l-bidu tas-sena skolastika ġdida? TVM tkellem mal-ġenituri u l-istudenti. Mal-wieħed…

Lokali

Waqt l-aħħar tislima li ngħatat lil Enrica lbieraħ fil-knisja ta’ San Ġiljan, inġabru €10,000 għal Puttinu Cares. Enrica kienet tgħożż il-familja ta’ Puttinu li tant tawha kuraġġ u sabar waqt…

Edukazzjoni

The Rotary Malta Clubs are calling for applications from residents of Malta wishing to pursue a post-graduate degree. The scholarship offered to Maltese residents is worth $ 30,000 and is…

Aktar