Barranin
Qraba tal-familja li nstabet mejta fl-Awstralja “xxukkjati”

Il-qraba ta’ familja ta’ sebgħa li lbieraħ instabet mejta f’darha fil-belt ta’ Osmington, fl-Awstralja, qalu li jinsabu xxukkjati b’din it-traġedja, u li ma jistgħux jifhmu x’seta’ ġara.

Erbat itfal, ommhom, u ż-żewġ nanniet instabu mejta f’postijiet differenti madwar ir-residenza tagħhom f’żona rurali. Il-familja Miles kienet magħrufa sew fil-komunità, speċjalment minħabba x-xogħol volvontarju li kienet tagħmel.

Il-Pulizija qed titratta l-każ bħala qtil segwit b’suwiċidju.

Katrina Miles ta’ 35 sena kienet tgħix ma’ ommha u missierha; Cynda u Peter Miles, flimkien mal-erbat uliedha. Missier it-tfal ma kienx magħhom meta seħħ il-każ.

Ġara tal-familja Miles qalet li semgħet diversi tiri għall-ħabta tal-4.00 ta’ filgħodu, u li ħasbet li kienu qed jikkaċċjaw il-kangaroos, anki jekk normalment ħadd ma joħroġ jikkaċċja daqstant kmieni. Qalet li t-tiri ma ġewx sparati f’salt, u bejn xi tiri għadda ftit ħin mhux ħażin.

Ara wkoll:

Familja sħiħa tinstab mejta f’darha fl-Awstralja

Aħbarijiet Oħra
Trump

Il-President Amerikan Donald Trump iddikjara li l-Istati Uniti se tkun qed tirtira mit-trattat dwar l-armi nukleari mar-Russja. Waqt li kien qed jitkellem mal-ġurnalisti, Trump qal li d-deċiżjoni ttieħdet għaliex ir-Russja…

Barranin

Mas-60 persuni, fosthom tfal, tilfu ħajjithom, u madwar 100 oħra sfaw feruti meta ntlaqtu minn ferrovija fl-istat ta’ Punjab, fl-Indja. Filmat li nġibed minn mobile juri dawn il-mumenti xokkanti. It-traġedja ġrat…

Barranin

L-Arabja Sawdija ammettiet li l-ġurnalist Jamal Khashoggi nqatel fil-konsolat tagħha fit-Turkija, wara li għal ħmistax sħaħ sostniet li dan kien ħareġ mill-konsolat qawwi u sħiħ. Il-midja tal-istat tas-Sawdi kkwotat l-ewwel…

Barranin

Anzjan spiċċa b’imnieħru u tliet kustilji miksurin wara li qala’ xebgħa mingħand sid ta’ restorant talli ordna biss antipasto.  Il-każ seħħ f’Arezzo fl-Italja u jinsab f’ħoġor il-Qorti. Il-klijent, li għandu…

Aktar