Lokali
Arrestat raġel b’rabtiet ma’ organizzazzjoni mafjuża

Il-Pulizija rnexxielhom jarrestaw Taljan b’rabtiet ma’ organizzazzjoni Mafjuża li kien imfittex mill-awtoritajiet Taljani.

L-arrest mill-Pulizija Maltija seta’ jsir billi fil-konfront tar-raġel kien hemm Mandat ta’ Arrest Ewropew. Ir-raġel għandu 42 sena u kien joqgħod is-Swieqi.

Fi stqarrija l-Pulizija qalu li l-arrest tat-Taljan sar f’operazzjoni msejħa “OP RICH” bis-sehem fost l-oħrajn ta’ Pulizija mit-Taqsima ta’ Kontra t-Terroriżmu. Il-Pulizija qalu li t-Taljan, li hu magħruf ħafna fi ċrieki tal-igaming f’Malta, se jitressaq il-qorti fil-jiem li ġejjin biex jibda l-proċess biex jiġi estradit lejn pajjiżu. Fl-Italja hu kien imfittex minħabba assoċjazzjoni f’organizazzjoni, immaniġġjar u kollezzjoni ta’ imħatri u flejjes illegali biex jiffaċilitaw organizazzjoni mafjuża.

Mill-bidu tas-sena, il-Pulizija rnexxielha tarresta f’Malta sitt persuni ta’ nazzjonalitajiet differenti li kellhom mandat ta’ arrest Ewropew fil-konfront tagħhom.

Aħbarijiet Oħra
Stejjer Umani

Sentejn ilu waqa’ għall-vizzju tad-droga għax tilef lill-ommu u sofra minn sfidi mentali, iżda issa ddeċieda li jidħol għall-programm tal-Caritas biex ikun jista’ jerġa’ jgħannaq lil familtu u jgħin persuni…

Lokali

Tabiba Maltija ngħata kariga importanti fi ħdan l-Għaqda Dinjija tas-Saħħa. Dr Natasha Azzopardi Muscat inħatret bħala Direttur li fost affarijiet oħra se tieħu ħsieb is-servizzi tas-saħħa fl-Ewropa fosthom biex jiżdied…

Edukazzjoni

Ċans ieħor lill-istudenti japplikaw għall-eżamijiet li se jsiru f’Settembru fil-livell intermedjarju u avvanzat. Dan jgħodd għall-istudenti li ma kinux irreġistraw għall-eżamijiet u li kieku ma nqalgħetx il-pandemija kienu jsiru fil-ġimgħat…

Lokali

Ħafna mill-bdiewa qed jilmentaw li ser jibqgħu bil-patata ma’ wiċċhom minħabba nuqqas ta’ domanda mis-suq kemm f’Malta kif ukoll mis-swieq tal-esportazzjoni minħabba li din ukoll intlaqtet mill-Covid-19. Television Malta jinsab…

Aktar