Barranin
Raġel bla vuċi jirbaħ il-Britain’s Got Talent

Lee Ridley jew kif inhu magħruf Lost Voice Guy rebaħ il-Britain’s Got Talent 2018. Minkejja li huwa m’għandux vuċi ma ħallhiex id-diżabilità tiegħu milli żommu lura. L-abiltà tiegħu ta’ umoriżmu waslitu sabiex mhux biss jieħu sehem iżda jirbaħ il-Britain’s Got Talent.

Il-kummidjant ta’ 37 sena minn Newcastle jgħid diversi ċajt minkejja li ma jitkellimx. Huwa jagħmel dan permezz ta’ voice synthesizer.

Lee Ridley isofri minn cerebral palsy, kundizzjoni newroloġika fil-moħħ li timpedih milli jitkellem. Huwa seraq il-qlub ta’ bosta bil-kapaċitajiet tiegħu li jitfa’ t-tbissima fuq fomm in-nies.

Hekk kif tħabbar ir-riżultat Ridley kien eċitat ferm u beda jgħannaq lill-preżentaturi tal-programm. Huwa rebaħ £250,000 u ngħata l-opportunità biex jieħu sehem fir-Royal Variety Performance.

Intant fit-tieni post ġie Robert White u jsegwih il-kantant Donchez Dacres.