Lokali
AĠĠORNAT (6): Miet l-għada ta’ għeluq sninu waqt li pprova jsalva lil ħaddieħor

Raġel tilef ħajtu dalgħodu wara li bela’ ħafna duħħan min-nar li beda għall-ħabta tal-5.30 ta’ filgħodu f’appartament ieħor fl-istess blokka fi Triq l-Aħmar, f’Marsaskala.

Il-ġuvni ta’ 35 sena, li iktar tard kien identifikat bħala Gordon Spiteri, kien jgħix fil-ħames sular ta’ blokk ta’ sitt appartamenti. Huwa nstab mixħut mal-art fil-komun tal-blokka. Sfortunatament, ġie ċċertifikat mejjet fl-Isptar Mater Dei.

Spiteri kien għadu kemm iċċelebra għeluq sninu fil-jum ta’ qabel, u x’axktarx ħareġ mill-appartament tiegħu biex jgħin lill-ġirien.

In-nies, fosthom żewġt itrabi li jgħixu fil-binja, bdew joħorġu mill-appartamenti fil-5.30am. Sitt persuni oħra, li jgħixu fl-istess blokk ta’ appartamenti ttieħdu l-isptar għall-kura.

Membri mid-Dipartiment tal-Protezzjoni Ċivili ssejħu fuq il-post biex jassistu u jikkontrollaw in-nirien. TVM infurmat li fuq il-mejda tal-appartament li fih qabad in-nar, instab fire extinguisher.

Il-Ministru għas-Saħħa Chris Fearne, fi tweet, qal li twaqqaf help line –  25450000. Fil-każ infetħet inkjesta mill-Magistrat tal-għassa Joe Mifsud.

Ara wkoll:

Gordon Spiteri huwa l-ġuvni li tilef ħajtu fin-nar f’Marsaskala

Aħbarijiet Oħra
Infrastruttura

Il-bajja tal-Balluta ngħalqet temporanjament sakemm isir il-monitoraġġ meħtieġ wara li l-maltemp u x-xita fl-aħħar jiem ferqet ir-ramel u dan spiċċa lura fil-baħar. Fi stqarrija l-Awtorità Maltija għat-Turiżmu qalet li flimkien…

Edukazzjoni

L-operaturi tat-trasport fl-iskema ta’ trasport b’xejn għall-istudenti tal-iskejjel tal-Knisja u indipendenti żdiedu bi 18 oħra. Fi stqarrija, il-Ministeru għall-Edukazzjoni qal li l-operaturi tat-traspost telgħu għal 75. Il-Ministeru qal li ser ikun…

Lokali

Il-Moviment Patrijotti Maltin organizza mixja mill-Ħamrun sal-Marsa b’solidarjetà mar-residenti. Henry Battistino f’isem il-Moviment qal li b’din il-mixja jridu juru s-solidarjetà tagħhom għaliex qal li dawn ir-residenti qed isofru konsegwenzi minħabba…

Lokali

Il-Professur Alan Deidun qal li fl-ibħra Maltin feġġet ħuta invażiva magħrufa bħala Siganus Luridus jew Qawsalla. Fuq Facebook, Prof Deidun spjega li l-ħuta oriġinat fil-Baħar l-Aħmar u l-Oċean Indjan. Hija ġiet…

Aktar