Kronaka
Raġel jinqabad fil-fatt meta daħal jisraq minn dar f’Bormla

Raġel ta’ 41 sena nqabad fil-fatt mill-Pulizija meta llum daħal f’dar f’Bormla, biex allegatament jisraq.

Kienu għall-ħabta tas-2.00 ta’ waranofsinhar meta l-Pulizija ġew infurmati minn persuna li qalet li rat lil xi ħadd jidħol ġo dar fi Triq il-Mitħna minn tieqa.

Il-Pulizija tad-Distrett marru fuq il-post fejn iċċirkondaw ir-residenza biex l-allegat ħalliel ma jaħrabx, waqt li l-Membri tar-Rapid Intervention Unit daħlu fir-residenza fejn sabuh moħbi ġo kamra żgħira mimlija imbarazz.

Ir-raġel ġie arrestat, u wara tfittxija li saret fuqu instabu xi affarijiet li allegatament kienu misruqa mir-residenza.

Il-Pulizija għadha għaddejja bl-investigazzjonijiet tagħha.