Lokali
AĠĠORNAT 2: Raġel jinstab mejjet fil-baħar u jittella’ f’Manoel Island

Il-Pulizija qed tinvestiga l-mewt ta’ żagħżugħ mis-Serbja li ttella’ bla ħajja fil-baħar ħdejn il-yacht marina ta’ Manoel Island. Il-pulizija qalet li s-Serb intlemaħ f’wiċċ il-baħar għall-ħabta tat-8.15am. Fuq il-post, il-Pulizija sabu raġel f’dinghy li kien qed jipprova jgħin lis-Serb li kien fil-baħar u deher mitluf minn sensieh. Is-Serb li għandu 29 sena ġie ċertifikat mejjet fuq il-post.

Sorsi infurmati qalu li fuq il-vittma ma kienx hemm sinjali ta’ vjolenza u jidher li huwa miet mgħarraq. Madankollu l-awtopsja u eżamijiet forensiċi għad iridu jaraw fost oħrajn jekk kienx hemm teħid tad-droga. Hu mifhum li ż-żagħżugħ Serb kien jgħix ma’ ħabib tiegħu Malti fuq dgħajsa u f’xi ħin fuq id-dgħajsa kien hemm ukoll omm il-Malti minħabba li beda jaġixxi b’mod stramb u kien riferut għall-kura.

Fil-yacht marina tal-Gżira kien hemm preżenza ta’ Pulizija tad-distrett u mit-taqsima forensika. Il-Maġistrat tal-Għassa, Ian Farrugia, ħatar diversi esperti biex jassistuh fl-inkjesta fosthom lit-tabib forensiku Mario Scerri.

L-investigazzjonijiet għadhom għaddejjin.

Aħbarijiet Oħra
Qorti

Żewġ persuni se jitressqu l-Qorti ikar tard illum b’rabta ma’ attentat ta’ serqa li seħħet fil-ħanut Crystal Palace f’Ħaż-Żabbar ix-xahar li għadda. Skont il-Pulizija, wara investigazzjoni li ilha sejra għal…

Storja

Heritage Malta għaddejja bi studji biex villa Rumana li tinsab fl-inħawi ta’ Għar Dalam terġa’ tiġi skavata mill-ġdid wara 100 sena, bit-tama li jintefa’ dawl ġdid fuq l-istorja ta’ Malta….

Kronaka

Mara dalgħodu sofriet xi ġrieħi wara li sfat imtajra f’Birkirkara. L-inċident seħħ fil-bypass għall-ħabta tad-9.05am. Mill-ewwel informazzjoni jidher li l-mara ntlaqtet minn vettura li kienet ħierġa minn triq sekondarja għal…

Aktar