Kronaka
AĠĠORNAT (1): Instab mixħut mal-art, marbut u b’tape mdawwar ma’ ħalqu

Serqa ta’ eluf ta’ Ewro minn gabbana fix-Xatt ta’ Tas-Sliema l-lejl li għadda ħalliet lill-għassies marbut u mixħut mal-art għal madwar tliet sigħat sakemm instab minn lavrant li daħal għax-xogħol dalgħodu.

L-għassies li hu raġel ta’ 35 sena mill-Pakistan instab mixħut mal-art, marbut u b’tape mdawwar ma’ ħalqu.

Hu nstab fil-gabbana għall-ħabta tas-sebgħa u nofs ta’ filgħodu. Huwa ttieħed għall-kura l-Isptar Mater Dei.

Ir-raġel sofra ġrieħi ħfief u wara li ngħata l-kura ntbagħat id-dar. Qed ikun rappurtat li l-ħallelin irnexxielhom jiftħu s-safe tal-gabbana minn fejn ħarbu b’eluf ta’ Ewro.

Kelliem għall-Pulizija qal lil TVM li nsterqu ammont konsiderevoli ta’ flus.

Aħbarijiet Oħra
Kostruzzjoni

Il-Gvern qed jikkunsidra diversi alternattivi għall-isfida tal-iskart tal-kostruzzjoni. Il-Prim Ministru Joseph Muscat insista li fl-immedjat, l-industrija tal-kostruzzjoni trid terfa’ r-responsabbiltà tagħha. Żied jgħid li jridu jinstabu soluzzjonijiet aktar fit-tul fost…

Qorti

Il-mara mis-Serbja li iktar kmieni din is-sena nstabet ħatja li ħaqret żewġ anzjani sakemm mietu, kellha l-piena ta’ ħabs imnaqqsa mill-Qorti tal-Appell. F’April li għadda Dragana Mijalkovic kienet ikkundannata ħames…

Politika

Il-Kap tal-Oppożizzjoni u tal-Partit Nazzjonalista, Adrian Delia, appella lill-Gvern biex jgħin bi kwalunkwe mod possibbli biex itaffi xi ftit mill-piżijiet finanzjarji meħtieġa biex jitmexxa s-santwarju tal-Arka ta’ Noe fil-Mellieħa fejn…

Politika

Il-Kummissarju għall-Istandards fil-Ħajja Pubblika, George Hyzler, ikkonkluda li stqarrija li l-Ministru għall-Ġustizzja, Owen Bonnici ħareġ, permezz tad-Dipartiment tal-Informazzjoni, ma kinitx tikser il-kodiċi ta’ etika. Il-Kummissarju Hyzler investiga ilment imressaq mill-Avukat…

Aktar