Lokali
AĠĠORNAT: Raġel jisma’ ħoss fix-xaft u jsib raġel f’għadira demm

F’inċident fatali li seħħ ilbieraħ filgħaxija raġel ta’ 45 sena miet wara li waqa’ mal-ħames sulari ġo xaft.

Skont il-pulizija, ir-raġel li huwa joqgħod Bormla, waqa’ f’xaft ta’ blokk ta’ appartamenti fi triq il-Mensija San Ġwann wara li ngħalaq fuq il-bejt u x’aktarx ipprova jiddendel sabiex jidħol minn tieqa ta’ uffiċċju li hemm fl-istess xaft.

tvm.com.mt huwa infurmat li r-raġel, Michelang Mamo, jaħdem f’uffiċċju li hemm fil-blokka. Jidher li waqt li kien fuq il-bejt jagħmel xi xogħol, issakkar barra. Kien resident li joqgħod fl-istess blokka li sema bħal ħoss fix-xaft u meta ttawwal sab lir-raġel f’għadira demm.

Fuq il-post issejħu l-membri mid-Dipartiment tal-Protezzjoni Ċivili flimkien ma’ tim mediku mill-Isptar Mater Dei sabiex jassistu, iżda sfortunatament, il-vittma ġie iċċertifikat mejjet fuq il-post.

Aħbarijiet Oħra
Lokali

Ingħalaq għalkollox is-sub post office tal-Maltapost fi Triq Ċensu Busuttil fl-Iklin. Dan ħabbitu l-kumpanija Maltapost, li fi stqarrija qalet li l-klijenti li kienu jinqedew mill-Iklin issa jridu jmorru fin-Naxxar. L-uffiċċju…

Lokali

Il-Partit Laburista qal li dd-deputat tal-Partit Nazzjonalista, Karol Aquilina, b’għemilu wera li ma jafx x’inhi governanza tajba. Fi stqarrija l-PL irrefera għall-mistoqsija parlamentari mwieġba lbieraħ, li qal uriet li fil-jum…

Lokali

Bejn Ġunju u Diċembru tal-2017, Transport Malta ħarġet total ta’ €144,475 f’multi li jikkoncernaw il-puntwalità u affidabilità lill-operatur tat-trasport pubbliku. Dan ħareġ wara li l-Ministru għat-Trasport Ian Borg wieġeb mistoqsija…

Lokali

65 persuna fil-Faċilità Korrettiva ta’ Kordin gawdew mis-sistema tal-parole fl-aħħar tliet snin. Dan intqal mill-Ministru għall-Intern u Sigurtà Nazzjonali Michael Farrugia għall-mistoqsija tad-deputat Nazzjonalista Chris Said. Il-Ministru Farrugia qal illi…

Aktar